Сонот на технолозите е еден ден да може да се печатат 3Д функционални органи подготвени за трансплантација. Во моментов, сонот е прилично далеку да стане реалност.
Сепак, новиот проект во швајцарската ЕТХ Цирих оди чекор поблиску кон сонот. Научниците развиле функционално срце кое чука – изработено од силикон, што претставува една од најнапредните реплики што се создадени за еден од најважните органи.
Иако не е биолошка реплика на вистинското срце, идејата е да може да се користи како вештачко срце во сценарија, кога, на пример, пациентот чека трансплантација на срце.
Актуелниот модел ветува, но се уште не е доволно стабилен за да се користи на вистински пациент. Во моментов, работи само за неколку илјади отчукувања, во траење од 30 до 45 минути. Со текот на времето, планот на научниците е да развијат модел кој би можел да функционира во период од неколку години.
