Јапонскиот доктор на науки Изуми Табата, кој со години се занимава со психологија на тренингот, осмислил совршен сет на вежби со кои за само четири минути на ден се постигнуваат одлични резултати.
Овој начин на вежбање е именуван по пронаоѓачот – табата, а подразбира примена на познати вежби, но високонапонски тренинг. На пример, еден ден може да правите склекови во комбинација со чучневи, вториот ден, стомачни во комбинација со трчање во место, но под услов 20 секунди да вежбате со максимален интензитет на вежбање, потоа 10 секунди лесен тренинг и така четири минути.
Изборот на вежби може да биде и само една активност – возење на статичен велосипед, прескокнување јаже… Единствено е важно овие активности да се изведуваат со 100 проценти од силата и максимална брзина од 20 секунди, па одмор од 10 секунди.
Табата тренингот е повеќе начин на вежбање отколку само вежба. Концептот за тренинг е тестиран повеќе години при што се дошло до заклучок дека е совршен избор за елиминирање на вишокот килограми.
Неговиот изумител и поддржувачи тврдат дека гарантира здраво губење на тежината, дефинирање на мускулите на целото тело, намалување на крвниот притисок и ослободување од стресот. Разликата помеѓу табата тренингот и другите интервални тренинзи е во интензитетот.
