Тироидектомијата е интервенција при која се пристапува по средната линија на предната страна од вратот. Понекогаш доколку е потребно се вадат и околните лимфни јазли или околните ткива. Доколку се отстранува целата жлезда тогаш говориме за тотална тироидектомија, иако денеска се практикуваат помалку радикални интервенции при што се зачувува еден мал дел од едниот лобус на тироидната жлезда, а таа интервенција се означува како суптотална тироидектомија. Кога се отстранува само половина од тироидната жлезда тогаш станува збор за хемитироидектомија.
Најрадикален пристап бараат малигните тумори на тироидната жлезда, и во тие случаи се прави тотална тироидектомија и дополнително се вадат и лимфни јазли. Тироидната жлезда се решава хируршки заради аденом, мултинодозна струма, карцином на тироидеата, медуларен карцином на тироидеа, ретко и автоимуните процеси како што се Хашимотовиот тироидит и Базедовата болест може да бидат индикации за оперативни зафати…
Денешното видео носи слика за тоа како всушност изгледа тироидектомијата.
