Пејачката Кели Кларксон, која се прослави како прв победник во шоуто Американски идол, неодамна открила дека е многу среќна што нема да биде бремена никогаш повторно, и тоа благодарение на зафатот наречен тубектомија или подврзување на јајцеводите. Кели на ваков чекор се решила заради тешките бремености.
„Благодарна сум што никогаш нема да забременам повторно. Ги имам моите прекрасни деца и доста е“, – рекла во интервју за ExtraTV и уште додала: „Ги имав најлошите можни бремености. Често завршував во болница, дехидрирана.“
Пејачката уште открила и дека освен што таа направила женска стерилизација, го убедила и својот сопруг Брендон Блексток да си направи вазектомија, односно машка стерилизација. Инаку, Кели и Брендон имаат две деца – ќерката Ривер Роуз и синот Ремингтон, а Брендон има уште две деца од претходниот брак.
Денешното видео носи приказ за тоа како всушност изгледа овој процес на стерилизација.
