Кога се родил, докторите и рекле на мајката на Шаурија, дете со Даунов синдром нема да може да живее нормален живот. Денес нејзиниот син живее со полни едра, а неговата мајка за Би-би-си раскажува со што се занимава нејзиниот син и како живее.
„Кога се роди мојот син, докторите рекоа дека нема да може да направи ниту една работа. Дека му нема спас“.
Меѓутоа, тој одбил кој било друг да ја обликува неговата животна приказна.
„Сега се чувствувам така што би сакала да се вратам кај тој доктор и да му речам: Слушај, мојот син може да вози автомобил, а има и свое студио за изработка на керамика. Излегува во пабови и живее среќен живот,“ вели мајката на Шаурија
Шауриja да ракува со керамика го учеле уметници од Јужна Америка, Тајланд и Кина. Отворил свое керамичко студио познато како „Банана студио“ со својата мајка во 2013 година.
„Мора да внимавате што го интересира вашето дете. Кога ни академиците не знаеја да ми дадат одговор, во неговата 19-та година откривме дека сака глина, керамика и бои. За него студиото е место кадешто може да се опушти, да ги изрази своите чувства и да биде среќен“.
Иако Шаурија сака да создава возила и вазни од керамика, она што му донесе големо признание и внимание се неговите портрети, кои досега биле изложувани на неколку места.
