Основната функција на крајниците или тонзилите е да го бранат домаќинот од навлегувањето на бактерии преку дишењето или храната. Лекувањето на болни крајници првично се врши со антибиотици, но кога тоа не успева и кога се повторува многу често се оди на хируршко отстранување – одлуката за операција ја носи оториноларингологот врз основа на медицинска историја, клиничките наоди и претходната медицинска евиденција.
Тонзилектомија и аденоидектомија се најчестите хируршки процедури кои се изведуваат најчесто во детска возраст, на светско ниво, а се прават заедно или одделно. Според Американската академија на отоларингологија – и хирургија на глава и врат, тонзилектомијата е втората најчеста операција во детството.
Сигурно се прашувате како изгледа постапката, во денешното видео се крие овој одговор. Погледнете:
