Лицата со клемпави уши повеќе имаат психолошки од естетски проблем, бидејќи најчесто се предмет на потсмев, особено децата во школската возраст. Доколку сте едно од нив и размислувате за зафат со кој ќе го решите својот проблем, денешното видео носи слика затоа како всушност изгледа самата постапка. Инаку, клемпавите уши се состојба кога обликот на ушните школки е премногу истакнат и одвоен од главата. Најдобар период за оваа интервенција е во детството, некаде на околу 6-годишна возраст бидејќи тогаш ’рскавицата е помека и полесно се моделира. Со зафатот може да се коригира големината и положбата на ушите, дури може и целосно да се моделираат во случаи на вродени деформитети и тешки повреди. Резот се прави зад увото и се одвојува кожата од ’рскавицата. Со посебна процедура се моделира ’рскавицата, големината и формата. Доколку е потребно, дел од ’рскавицата се отстранува со цел да се добие поприроден облик. Откако ќе се заврши со реконструкцијата на ’рскавицата, увото се фиксира поблиску до главата, вишокот кожа се отстранува и раната се шие. Интервенцијата трае еден до два часа, а по интервенцијата пациентите задолжително мора да носат еластичен завој во период од 14 дена, по што се вадат конците.
Вака изгледа зафатот за решавање на проблемот со ’клемпави уши’
Доколку размислувате за зафат со кој ќе го решите проблемот со клемпави уши, денешното видео носи слика за тоа како всушност изгледа самата постапка
