Njerëzit që vuajnë nga çrregullim serioz i të të ushqyerit, siç është anoreksia, nuk e njohin faktin se kanë një problem, nga çka edhe pasojat mund të jenë fatale. Për fat të mirë, me trajtimin dhe mbështetjen e duhur, është e mundur që të rikthehet vetëbesimi dhe shëndeti. Të gjithë duam të dukemi mirë, por kur dikush vuan nga kjo sëmundje dhe më së shpeshti këto janë vajzat anoreksike – nevoja për të humbur peshë bëhet më e rëndësishme se çdo gjë tjetër. Duke vepruar kështu, njeriu nuk është i vetëdijshëm se ka çrregullim të rëndë të të ushqyerit, gjë që mund t’i rrezikojë jetën.
Ekzistojnë tre karakteristika themelore të këtij problemi: mos pranimi i masës së shëndetshme trupore, frika intensive nga obeziteti dhe imazhi i shtrembëruar ndaj trupit personal.
Të folurit dhe pamja e trupit mund të zbulojnë shumë kur bëhet fjalë për anoreksinë, ndërsa këtë e tregojnë edhe simptomat e para të kësaj sëmundjeje:
- Humbja dramatike e peshës
- Ndjenja e obezitetit edhe pse personi është dukshëm i dobët
- Fiksimi me peshën, dukja e trupit personal, madje edhe me madhësin e veshjes
- Peshimi i shpeshtë dhe kujdesi gjatë shfaqjes së ndryshimeve minimale të peshës trupore
- Konsumimi i ushqimeve ma pak kalori, shmangia e ushqimeve që përmbajnë yndyrna dhe karbohidrate
- Kritikat e mprehta për pamjen e jashtme dhe shpenzimi i madh i kohës në gjetjen e defekteve të trupit para pasqyrës – kjo është tipike për sëmundjen e njohur si anoreksia nervoze
- Shpikja e të pavërtetave në lidhje me sasinë e ushqimit të ngrënë
- Përdorimi i barnave për humbje peshe, laksativët ose diuretikët, si dhe përdorimi i tepruar i agjentëve të tjerë për humbje peshe
- Vjellja menjëherë pas ngrënies (të shkuarit shpesh në tualet gjatë vaktit ushqimor)
- Larja e dhëmbëve dhe shpëlarja e gojës, si dhe konsumimi i sasive të mëdha të ujit pas ushqimit
- Stërvitja kompulsive pas ngrënies së ushqimit “të keq”
- Vazhdimisht mendohet për ushqim
Për njerëzit anoreksik, çdo vakt paraqet një ngjarje jashtëzakonisht stresuese. Të menduarit për dietën, ushqimin dhe trupin u merr më shumë kohë, ndërsa jeta udhëhiqet nga nevoja ekstreme për të qenë sa më e dobët që është e mundur – kjo është anoreksia nervoze.
Pa marrë parasysh se sa peshë të humbin, vajzat anoreksike asnjëherë nuk janë të kënaqura. Njerëzit që vuajnë nga anoreksia shpesh nuk e pranojnë se kanë një problem, gjatë së cilës pasojat mund të jenë fatale.
