Dhimbjet në këmbë mund të jetë pasojë e ndonjë sëmundje të rëndë, prandaj është e nevojshme që të kërkoni ndihmë mjekësore. Megjithatë, a nuk është më mirë që të parandalohet në kohë?
Veshkat
Lëngu që rruhet në këmbë mund të jetë tregues i funksionit jo të mjaftueshëm të veshkave. Nëse keni sasi të madhe të lëngjeve në këmbë, atëherë shfaqet ënjtja sidomos në zonën e kyçeve.
Funksioni i venave
Nganjëherë gjaku ka probleme që të arrijë deri në të gjitha pjesët e trupit tonë, kështu që enët e gjakut dhe indet përreth mund të dëmtohen.
Probleme me shëndetin e zemrës
Barkushat e zemrës mund të mos e kenë forcën e mjaftueshme, për të pompuar gjakun nëpër trup ashtu siç duhet. Kjo do të thotë se këmbët shumë shpejt do të fillojnë t’ju ënjten, por mund të ndodh që të ketë edhe dhimbje në to, sepse gjaku dhe substancat tjera fillojnë që të grumbullohen aty.
Tromboza
Ënjtja serioze e këmbëve mund të tregojë trombozën, që është një problem serioz shëndetësor dhe duhet të trajtohet sa më shpejt që të jetë e mundur. Me rritjen e sasisë së lëngjeve në këmbë, krijohet ndjenja e peshës tek to.
Mëlçia
Me siguri mendoni se, asnjë mosfunksionim i mëlçisë mund të lidhet me gjendjen e këmbëve. Nëse vëreni se venat në këmbë janë si një rrjetë merimangash, si dhe ënjtje të shputave, kjo është si pasojë e zvogëlimit të qarkullimit të gjakut nga organet e brendshme dhe shpretka, si dhe organet tjera në bark. Ju mund të ndiheni edhe shumë të lodhur.
Gjëndra tiroide
Spazma e muskujve dhe këmbët e ftohta, zakonisht janë tregues i hipotiroidizmit.
Arterioskleroza
Nëse e keni këtë sëmundje, atëherë këmbët tuaja duken të zbehta. Kjo ndodh si rezultat i reduktimit të qarkullimit të gjakut jo vetëm tek shputat, por edhe në të gjithë trupin.
