Personat të cilët janë diagnostikuar me kancer, kanë një rrezik mesatarisht prej 35% më të lartë të zhvillimit të diabetit, zbuluan hulumtuesit koreanë të Universitetit në Seul.
Për hulumtimin u përdorën të dhënat e më shumë se gjysmë milioni njerëzve, të moshës 20 deri 70 vjeçare. Pjesëmarrësit në hulumtim u monitoruan për më shumë se 7 vjet, ndëra rezultatet e hulumtimit janë publikuar në revistën “JAMA Oncology”.
Hulumtuesit shpjeguan se rreziku i lartë, ishte i pavarur nga faktorët e tillë si: mbipesha, pirja e duhanit apo konsumimi i alkoolit.
Rezultatet e fituara mund të shpjegohen me pasojat e terapisë së kancerit dhe pasojat e vetë kancerit
Rreziku më i madh është i pranishëm tek pacientët me kancer pankreatik, të cilëve ju kanoset rrezik prej pesë herësh më i madh i diabetit të tipit 2.
Pacientëve me kancer të mëlçisë ose të veshkave, ju kanoset rrezik dy herë më i madh i diabetit të tipit 2.
Rreziku më i madh për shfaqjen e diabetit të tipit 2, u vu re në vitin e parë pas diagnostikimit të kancerit.
