Një nga arsyet e gjakderdhjes nga hunda mund të jetë gjaendja e quajtur telangiektasi hemoragjik i trashëguar. Përveç gjakderdhjes nga hunda, simptoma të tjera shoqëruese janë edhe shfaqja e njollave të kuqe në fytyrë, buzë dhe gjymtyrë. Këta pacientë kanë enë anormale të gjakut, dhe si rezultat i kësaj, vjen deri te gjakderdhja e shpeshtë.
Simptoma më e njohur është gjakderdhja nga hunda, e cila me kalimin e kohës bëhet gjithnjë e më e madhe. Gjakderdhja fillon pa ndonjë arsye dhe nuk paraprin asnjë dëmtim të vogël në hundë. Simptomat shoqëruese janë shfaqja e njollave të kuqe në fytyrë, gojë dhe duar.
Gjakderdhja dhe simptomat e tjera të sëmundjes manifestohen ndryshe, madje edhe tek anëtarët e së njëjtës familje. Enët anormale të gjakut mund të gjenden në tru dhe në mushkëri, prandaj shpesh herë simptoma e parë e sëmundjes është edhe gjakderdhja në mushkëri ose sulmi në tru. Arsyeja tjetër për diagnostifikim të vonshëm të sëmundjes është ndërgjegjësimi jo i mjaftueshëm i personelit mjekësor për këtë gjendje.
Ashtu si me çdo sëmundje, zbulimi në kohë është hapi i parë në trajtim. Lloji i trajtimit varet nga shkalla e zhvillimit të sëmundjes dhe simptomat e dukshme. Një nga opsionet është trajtimi me lazer i lezioneve që rrjedhin gjak. Dikur zgjidhja standarde ishte ndërhyrja kirurgjikale, por sot është zëvendësuar me procedura intervente që zgjidhin anomalitë e enëve të gjakut.
