Herpes zoster është një infeksion viral që shkakton një skuqje të dhimbshme. Herpes zoster mund të shfaqen kudo në trupin tuaj. Zakonisht duken si flusa që mbështillen në zonën ndërbrinjore, majtas ose djathtas.
Herpes zoster shkaktohet nga virusi varicella-zoster – i njëjti virus që shkakton linë e dhenve. Edhe pasi të jeni shëruar nga lija e dhenve, virusi mbetet në trupin tuaj. Dekada më vonë virusi mund të riaktivizohet sërisht si herpes-zoster.
Herpes zoster nuk është kërcënues për jetën. Por mund të jetë shumë e dhimbshme. Vaksinat mund të ndihmojnë në uljen e rrezikut të herpes-zosterit. Trajtimi i hershëm mund të shkurtojë kohëzgjatjen e infeksionit të herpesit dhe të zvogëlojë mundësinë e komplikimeve. Komplikacioni më i zakonshëm është nevralgjia post-herpetike. Kjo është një gjendje e dhimbshme që shkakton dhimbje për një kohë të gjatë edhe pasi fshikëzat tuaja të pastrohen.
Simptomat e herpesit zakonisht prekin vetëm një pjesë të vogël të njërës anë të trupit tuaj. Këto simptoma mund të përfshijnë:
Dhimbje, djegie ose pickim
Ndjeshmëria ndaj prekjes
Një skuqje që fillon disa ditë pas dhimbjes
Flluska të mbushura me lëng që hapen dhe mbulohen
Kruarje
Disa njerëz gjithashtu përjetojnë:
Ethe
Kokëdhembje
Ndjeshmëri ndaj dritës
Lodhje
Dhimbja është zakonisht simptoma e parë e herpesit-zoster. Për disa njerëz, dhimbja mund të jetë intensive. Në varësi të vendndodhjes së dhimbjes, ndonjëherë mund të ngatërrohet me probleme të zemrës, mushkërive ose veshkave. Disa njerëz përjetojnë dhimbje nga herpes-zoster pa shfaqur skuqje.
Më së shpeshti, skuqja e herpesit zhvillohet si një brez flluskash që mbështillen rreth anës së majtë ose të djathtë të brinjëve. Ndonjëherë një skuqje e herpes-zoster shfaqet rreth njërit sy ose në njërën anë të qafës ose fytyrës.
Kur duhet të shkoni te mjeku
Kontaktoni shërbimin tuaj shëndetësor sa më shpejt të jetë e mundur nëse dyshoni për herpes-zoster, veçanërisht në situatat e mëposhtme:
Dhimbja dhe skuqja shfaqen pranë syrit. Nëse nuk trajtohet, ky infeksion mund të çojë në dëmtim të përhershëm të syve.
Jeni 50 vjeç e lart. Mosha rrit rrezikun e komplikimeve.
Ju ose dikush në familjen tuaj keni një sistem imunitar të dobësuar. Kjo mund të jetë për shkak të kancerit, medikamenteve ose sëmundjeve kronike.
Skuqja është e përhapur dhe e dhimbshme.
Përktheu dhe përshtati:S.N
