Marrja më e madhe e proteinave mund të na ndihmojë nëse duam të ndërtojmë muskujt, të humbim ndonjë kilogram e madje të qëndrojmë më gjatë të ngopur pas një vakti. Disa hulumtime të mëparshme kanë treguar se të ushqyerit e pasur me proteinave ndihmon në rregullimin e niveleve të triglicerideve dhe kolesterolit total në gjak, si dhe zvogëlimin e nevojës për ushqim të shpejtë dhe ëmbëlsira. Proteinat madje e ulin rrezikun e sulmit në tru, si dhe rrezikun e humbjes së masës muskulore tek njerëzit e moshuar.
Artikujt ushqimorë që përmbajnë më shumë proteina janë këto:
- Farat e kungullit (12.5 gram proteina në 50 gram fara);
- Fara luledielli (11 gram në 50 gram fara);
- Mish viçi (26 gram në 100 gr mish);
- Gjoks pule dhe gjel deti (30 gr në 100 gr mish);
- Sardelet (24 gr në 100 gr sardele);
- Troftë (23 gr në 100 gr peshk);
- Fjolla tërshëre (17 gr në 100 gr tërshërë);
- Vezë (një vezë e madhe përmban 6 gr proteina);
- Djathë i ri (12.5 gr proteina në 100 gr djathë);
- Fasule (rreth 10 gram proteina në 100 gram fasule të ziera);
- Thjerrëzat (9 gram në 100 gr thjerrëza të ziera).
