Diabeti është një nga sëmundjet më masive bashkëkohore, e cila diagnostifikohet lehtë, ndërsa me edukimin e duhur pengohet dhe kontrollohet në masë të madhe. Ky manual është menduar kryesisht për njerëzit me diabet dhe të afërmit e tyre, si dhe për profesionistët mjekësorë të cilët merren me edukimin. Librin e rekomandojmë për studentët, si dhe për mjekët të cilët fillojnë të merren me diabetin, për t’i përvetësuar me mirë njohuritë praktike.
Sëmundja e sheqerit ose Diabetis melitus (Diabetes mellitus) është sëmundje kronike ose mund të themi sëmundje e përjetshme, e karakterizuar nga çrregullimi, kryesisht metabolizmi i karbohidrateve, por edhe i yndyrave dhe proteinave dhe me ndryshime specifike të enëve të gjakut.
SIMPTOMAT KRYESORE
- Dobësimi dhe humbja e forcës së punës, dëshira për gjumë dhe kujtesa e dobësuar.
- Humbja e peshës, e cila mund të jetë e ndryshme, dmth. nga humbja e disa kilogramëve (në një kohë të shkurtër), deri te humbja më e theksuar e peshës pavarësisht rritjes së oreksit.
- Tharja e gojës, me një ndjenjë të thatësisë së fytit, çka çon në etje dhe nevojën për të pirë ujë.
- Pirja e ujit dhe urinimi është e përhershme, kështu që çregullohet edhe gjumi.
Konsumimi i shpeshtë i lëngjeve çon në: Urinim të shpeshtë dhe me tepri gjatë ditës dhe natës.
Bëni kujdes: Nëse ndjeni një etje të shtuar, mos pini lëngje frutash ose pije të ëmbla të gazuara. Pini vetëm ujë!
Shenja tjera të sëmundjes mund të jenë edhe këto:
- Shfaqja e puçrrave me qelb në qafë, si dhe në pjesë tjera të trupit, që përsëriten dhe nuk i përgjigjen terapisë se zakonshme.
- Skuqje me kruajtje të organit gjenital, i cili përkeqësohet me larjen me sapun dhe përsëritet.
- Rritja e oreksit për të gjitha ushqimet, madje edhe për ëmbëlsirat.
- Shërimi i ngadalshëm i lëndimeve, sidomos plagët me qelb.
- Dobësimi i të pamurit.
- Nëse shfaqet ndonjë nga këto simptoma, veçanërisht nëse disa prej simptomave shfaqen së bashku, është e nevojshme të konsultoheni me mjekun dhe të kërkoni të ju kontrollohet glukoza në gjak.
- Nëse sëmundjen e zbuloni më herët, ju mund t’i shmangni ose t’i vononi komplikimet e sëmundjes.
(vazhdon)
