Shumë popuj i përdornin lulet për të përgatitur çaj për trajtimin e dhimbjeve gastrointestinale, temperaturën, tuberkulozën, ndërsa shërbenin edhe si analgjetik për lehtësimin e dhimbjeve të ndryshme. Që nga viti 1969, kjo bimë është pjesë e listës zyrtare të barnave në Rusi, gjë që e vendos atë në mesin e adaptogenëve – barna që e forcojnë sistemin nervor dhe veprojnë kundër depresionit.
Veçanërisht e duan gratë
Bazuar në literaturën e gjerë profesionale, mund të konfirmohet se Rhodiola rosea ka aftësinë për të kuruar efektet e stresit kronik. Ky lloj i veçantë i stresit kryesisht i prek gratë të cilat kanë më pak forcë adrenokortike, ku e ashtuquajtura lëvorja e gjëndrave mbiveshkore shpesh nuk prodhon sasi të mjaftueshme të kortikosteroideve dhe hormoneve androgenike në to. Prandaj, “rrënja e artë” rekomandohet sidomos për gratë moderne, të cilave u duhet që të punojnë shumë, madje edhe pas viteve të gjashtëdhjeta. Gjithashtu, nuk është çudi që kjo lloj rrënjë parandalon diabetin, sëmundje që është shumë e ndjeshme ndaj stresit të vazhdueshëm.
Përfitimet e bimës Rhodiola rosea
- Rekomandohet në rastin e lodhjes intelektuale, si dhe për të përmirësuar përqendrimin; të rinjve u ndihmon në procesin e të mësuarit, ndërsa tek të moshuarit e përmirëso kujtesën.
- Rrit rezistencën ndaj stresit kimik, biologjik dhe fizik dhe mund të jetë mjaft efektiv nëse kombinohet me magnez-bisglycinate.
- Largon ndikimin e stresit kronik, sidomon tek gratë.
- Ndikon pozitivisht në gjëndrat gjenitale, ndërsa është treguar e dobishme edhe në trajtimin e impotencës, amenorrhea-s dhe infertilitetit.
- Ky medikament universal, që vjen nga vendet e ftohta, gjithashtu rekomandohet edhe në rast të depresionit me asteninë, sindromë hiperaktiviteti që pasohet nga mungesa e vëmendjes, si dhe për shërimin pas lëndimit të kokës në një aksident.
