Hulumtimet e reja kanë treguar se në Shtetet e Bashkuara të Amerikës, në vitet e fundit ka pasur rritje të konsiderueshme të numrit të rasteve të depresionit, veçanërisht në mesin e të rinjve. Dmth, shkalla e përgjithshme e pacientëve me çrregullim të madh depresiv është 4.4 përqind, çka paraqet një rritje prej 33 përqind midis periudhës së viteve 2013-2016. Në të njëjtën periudhë kohore, numri i adoleshentëve të prekur nga depresion u rrit për 63 përqind!
Përndryshe, njerëzit me çrregullim të madh depresiv janë mesatarisht rreth 30 përqind më pak të shëndetshëm sesa njerëzit që nuk vuajnë nga depresion. Gjithashtu, 85 për qind e njerëzve që vuajnë nga depresion kanë një ose më shumë sëmundje të tjera të rënda kronike.
Studimi gjithashtu zbuloi se femrat kishin dy herë më shumë gjasa që të vuanin nga depresioni sesa meshkujt (6 përqind kundrejt 3 përqind).
Supozohet se, rritja e rasteve të depresionit tek adoleshentët e ndjeshëm, mund të jetë si rezultat i rritjes së përdorimit të pajisjeve elektronike dhe çrregullimit të gjumit, shkruan “Blue Cross Blue Shield – Health of America Report”.
