Популарните апостолки, кои се голем хит во последните неколку сезони, совршено се вклопуваат во многу летни комбинации, но имаат лоша репутација, бидејќи не обезбедуваат вистинска поддршка за нозете. Како резултат на тоа, нозете се изложени на поголем притисок и треба да работат понапорно за да обезбедат поддршка за телото. Покрај тоа, ако често ги носите, чувствителната кожа на нозете побрзо ќе се исуши.
Ако веќе сте одлучиле да носите апостолки, лекарите советуваат секогаш при купувањето да им се даде предност на апостолки, кои се анатомски обликувани
Сепак, експертите се согласуваат дека носењето на апостолки има и некои предности, на пример, ако ги носиме повремено и без претерување им даваат слобода на нашите стапала и не не ограничуваат како другите видови на обувки кои се затворени. Се разбира, доколку во апостолките не пешачите неколку километри.
Ако веќе сте одлучиле да носите апостолки, лекарите советуваат секогаш при купувањето да им се даде предност на апостолки, кои се анатомски обликувани и имаат поцврста поддршка со цел нозете да не се заморуваат во нив. Во вакви обувки, велат, вреди да се инвестира повеќе со цел да ги одбегнете проблемите со стапалата или задебелувањата, односно плускавците.
За да се спречи прекумерната сувост на стапалата, не заборавајте да нанесувате квалитетни креми, а како превенција од плускавци на нозете кога носите летни чевли ставете малку пудра во прав или дезодоранс за нозе.
