Пред нас е време на славење, дружење и богати трпези кога сите уживаме во вкусни специјалитети почесто отколку во другите денови од годината. Баш како и во другите култури и земји, консумацијата на алкохол во ова време од годината е поголема, исто како и консумацијата на традиционални јадења и колачи.
Овој период од годината резултира и со помалку спиење, поради што е присутен замор, мамурлак и чувство на тежина од прекумерно внесување на масна храна и шеќери што резултира со стрес за организмот
За да си помогнете потребно е да консумирате што повеќе магнезиум и вода кои се идеални сојузници за поголема енергија, а помалку замор. Водата е главна за нормално психофизичко функционирање.
Во нормални околности кога е присутна умерена физичка активност при умерена температура, на организмот му се потребни до осум чаши вода дневно, бидејќи на тој начин се овозможува нормално функционирање на когнитивните и физички функции. На пример, ако останете будни цела ноќ, потребната количина на вода за организмот се зголемува.
