Според пишувањето на Глобалниот институт за болести на црниот дроб, постојат околу 100 видови на болести на црниот дроб. И додека многумина таа состојба ќе ја поврзат со консумирање алкохол, повеќето лица кои страдаат од оштетувања на црниот дроб никогаш не пиеле алкохол.
Најбрзо растечка болест на дигестивниот систем е неалкохолен замастен црн дроб, која се појавува како последица на “модерниот начин на живот“. Податоците од статистиката покажуваат дека оваа хронична болест на црниот дроб во западниот свет погаѓа 34% од општата популација (25% возрасна популација, а дури 10% деца), 55% лица со дијабетес тип 2, како и 75% обезни лица, а се позачестено ги погаѓа и Македонците. Се смета дека за десетина години, поради растечкиот број на лица со метаболен синдром, неалкохолниот замастен црн дроб ќе биде водечка индикација за трансплантација на црн дроб поради цироза на црниот дроб и примарниот карцином на црн дроб, кои настануваат како последица на неалкохолен замастен црн дроб.
Црниот дроб е еден од клучните органи во дигестијата, а од нашиот организам постојано елиминира токсини. Исто така, тој ја филтрира крвта од цревата, ги обработува и подготвува хранливите материи кои се претвораат во енергија. Детоксикацискиот процес што го прави црниот дроб има два чекори – првиот е да произведува одредени ензими кои ги прават токсините помалку лоши за нашиот организам, додека вториот чекор ги спојува тие токсини со молекулите, поради што е лесно да се исфрлат од организмот. Со други зборови, црниот дроб е многу ангажиран орган и клучен за дигестијата, а кој, поради зголемен внес на токсини во организмот, со исхрана или од околината, може забавено да работи.
ШЕЌЕРНА БОЛЕСТ ИЛИ ДИЈАБЕТЕС
Ова е состојба која често се поврзува со болести на црниот дроб, вели експертот д-р Стефан Харисон. Се работи за состојба кога телото не е во можност да го контролира шеќерот во крвта.
ПРЕКУМЕРНА ТЕЛЕСНА ТЕЖИНА
Обезноста е уште една состојба карактеристична за лицата кои имаат оштетен црн дроб.
ХИПЕРТЕНЗИЈА
Покачениот крвен притисок освен што ги оштетува крвните садови, може да го оштеи и мозокот, очите и бубрезите. Според д-р Харисон, притисокот е една од трите главни состојби кои се поврзуваат со болести на црниот дроб.
ВАРИКОЗНИ ВЕНИ
Проширените вени (вени со иглед на пајакова мрежа) се мали крвни садови на површината на кожата кои се препознаваат по виолетови, сини или црвени линии. Иако оваа состојба е поврзана со проблеми со циркулацијата, возраст, бременост или обезност, сепак може да бидат и кожен проблем кој е поврзан со оштетување на црниот дроб.
ЖОЛТИЦА
Жолтица се појавува која црниот дров веќе не е во можност да произведува билирубибн, природна хемикалија што ја произведуваат црвените крвни зрнца, па таа се таложи во очите и на кожата. Ова е симптом за сериозна болест на црниот дроб, а може да дојде и до затајување.
ПОДУВАЊЕ НА СТОМАКОТ
Ова може да биде уште еден знак за напредната болест на црниот дроб, а се работи за подување околу подрачјето на стомакот или долните екстремитети, истакнува д-р Харисон.
МЕНТАЛНИ ПОТЕШКОТИИ
Болестите на црниот дроб може да се манифестираат и на менталното здравје, па може да се случи да забележите како се повеќе заборавате или веќе не сте свои.
