Во Индија може да видите мажи, жени и деца како различни активности на улица или дома обавуваат клечејќи. Ним тоа им е најприродна положба на телото, која не само што ги зајакнува нозете и ги отвора колковите, туку има и други бројни придобивки за здравјето. Оваа положба во древна Индија се применувала и како поттикнување за празнење на цревата. Тоа е поза која помага при констипација.
За жал, ако патите од затвор, лекарите на Запад нема да ви препорачаат да клечите, што е природно и ништо не чини. Место тоа, побрзо ќе ви дадат лаксативи или некои други лекови. Ние „западњаците“ сме навикнати да седиме на столчиња, софи, кревети… додека во оваа положба може да видиме само дечиња. Како на децата, баш како и на Индијците, тоа им е природна положба, а не и нам?!
Дали знаете дека токму „седечкиот“ начин на живот е една од главните причини за хроничен затвор?! Со долготрајно седење мускулите на задникот и анусот стануваат се послаби, варењето на храната се забавува, цревата стануваат троми и пасивни, и така се создаваат идеални услови за создавање болни и непријатни хемороиди.
Затоа ако сакате да ги спречите овие тегоби што е можно почесто практикувајте клечење!
Пробајте ја оваа положба (од видеото во продолжение) која во јогата се нарекува маласана:
- Застанете така стапалата да ви бидат што е можно пошироко од ширината на колковите, и благо завртете ги нанадвор;
- Длабоко вдишете;
- Спојте ги дланките во висината на срцето;
- Додека издишувате спуштајте се надолу, со исправен грб;
- Со лактите благо туркајте ги колената;
- Останете во таа положба броејжи до 10 или подолго, колку што можете да издржите.
