На сите ни е јасно дека пандемијата со новиот коронавирус трае предолго и не знаеме кога ќе може да кажеме дека е зад нас. Освен сите забрани кои следеа со неа, дојде и до негативно влијание на здравјето, а тоа не се однесува само на фактот дека можете да се заразите со вирусот и да имате тешки последици.
Од болка во ушите до КОВИД јазик, па и еректилна дисфункција или психоза, се симптоми околу кои лекарите постојано се борат за да сфатат што се случува и зошто се јавуваат. Но, една работа особено ги мачи научниците, а тоа е забележителниот пораст на крвниот притисок дури и кај оние лица кои немале КОВИД-19.
Во нова студија, објавена во магазинот Cirucalition, научниците откриле дека кај голем број Американци дошло до промена на крвниот притисок во текот на пандемијата, а се однесува на негово покачување, кога ќе се спореди со претходните податоци.
За потребите на студијата биле користени податоци од 464.000 лица од 20 држави во Америка. Од учесниците се барало да го измерат крвниот притисок во момент на опуштање, а 53,5% биле жени на просечна возраст од 45.7 години.
ШТО ВСУШНОСТ ПОКАЖУВААТ РЕЗУЛТАТИТЕ ОД СТУДИЈАТА?
Во периодот од 2018 до декември 2020 година биле следени повеќе од 464.000 учесници, при што се покажало дека повисок крвен притисок е забележан во голема мера кај испитаниците токму во периодот од април до декември 2020 година. Промената е забележана и кај мажите и кај жените, но повисоки вредности се покажани кај жените.
Во истражувањето е забележано дека по просечно осум недели зголемен внес на овошје и зеленчук во секојдневната исхрана, доаѓа до намалување на систолниот крвен притисок. Во превенција на артериската хипертензија, но и за намалување на ризикот на развој на сите хронични незаразни болести, се препорачува консумирање на храна богата со калиум (домати, банани, грашок, јагоди…). Свесноста за штетноста на прекумерниот внес на кујнска сол полека расте, бидејќи се присутни се повеќе докази. Но, резултати од неколку важни истражувања покажуваат дека како за целокупното здравје, па така и за појавата на артериската хипертензија, еднакво е важно да се намали внесот на кујнска сол и да се зголеми внесот на калиум.
Големиот избор на овошје, зеленчук, житарици и останата растителна храна нуди низа хранливи материи и различни биоактивни соединенија, вклучувајќи фотохемикалии, витамини, минерали и влакна. За пример може да се наведе компирот, кој е претставник на немасни намирници со единствени хранливи материи и фитохемиски профили. Богат е со витамин Ц, витамин Б6, калум, манган и диетални влакна.
Физичката неактивност е еден од четирите клучни ризик фактори (покрај исхраната, алкохолот и пушењето) што го одбележуваат стилот на живот кој е работа на избор, а силно влијаат на појавата на болести, до низа метаболни промени или посредни ризик фактори како што се покачен крвен притисок и обезност (дебелина). Недостатокот на физичка активност е идентификуван како четврти водечки ризик фактор за глобална смртност. Може да се каже дека лицата кои не се доволно физики активни имаат за 20-30% зголемен ризик за смртност во однос на оние лица кои се доволно физички активни.
