Kjo gjendje ndryshe quhet edhe cheilosis (stomatiti angular) dhe paraqet lezione inflamatore në qoshet e gojës, e cila shpesh mund të shfaqet në të dyja anët. Gjendja fillon me çarje të thella, ndërsa në rastet më të këqija, mund të rrjedh gjak derisa goja është e hapur, të krijohen ulçera të cekëta ose të formohen kore. Qoshet e plasaritura të gojës mund të shkaktohen si pasojë e mangësisë ushqimore, infeksione fungale ose më rallë infeksione bakteriale, megjithatë sigurohuni që të konsultoheni me mjekun.
Shkaqet
Në fakt lagështia e tepërt është ajo që kontribuon në formimin e plasaritjeve në qoshet e gojës. Pështyma e tepërt, e cila mblidhet në qoshet e gojës, nganjëherë është parakusht për zhvillimin e infeksionit. Një tjetër arsye për shfaqjen e stomatiti angular, mund të jetë mungesa e vitaminës B. Alergjia ndaj buzëkuqëve ose pastës së dhëmbëve, gjithashtu mund të jetë shkak për çarjen e qosheve të gojës.
Shkaqet më të zakonshme për shfaqjen e çarjeve në qoshet e gojës:
- Infeksion bakterial nga grupi i streptokokeve dhe stafilokokeve, përdorimi i përbashkët i enëve për ushqim dhe për pije;
- Mungesa e vitaminave B2 dhe B12 dhe acidit folik;
- Imuniteti i dobët;
- Diabeti dhe çrregullimet endokrine;
- Anemia dhe mungesa e hekurit;
- Lagështia e vazhdueshme në qoshet e gojës;
- Infeksion fungale.
Ky infeksion zgjat disa javë, ndërsa kalon gradualisht. Megjithatë, në disa raste mund të kalojë edhe në infeksion kronik me shfaqjen e pigmenteve të errëta në qoshet e gojës. Ato trajtohen me krem antibiotik ose preparate antifungale. Për të zvogëluar shfaqjen e këtij infeksioni, rritni përdorimin e vitaminave dhe mineraleve.
