Biotina është në fakt një tjetër emër për vitaminën B7. Kryesisht, ajo lidhet me proceset fiziologjike në trup, duke shërbyer si tregues i funksionimit të duhur të mëlçisë. Biotina vepron si katalizator i reaksioneve vitale metabolike, merr pjesë si koenzim në sintezën e disa acideve yndyrore dhe në konvertimin e acidit folik.
Vitamina H gjithashtu e rregullon metabolizmin e yndyrës, kontribuon në ndërtimin e indeve të muskujve, zvogëlon kolesterolin e keq, përshpejton metabolizmin dhe tonizon trupin. Një nga detyrat kryesore të biotinës është të sigurojë rritjen e duhur. Ndihmon në sintezën e ADN, ARN dhe acidit nukleik. Kjo vitaminë është veçanërisht e rëndësishme për qelizat, pasi që është e nevojshme për rritjen e duhur dhe rigjenerimin. Bën pjesë në radhët e promotorëve të rritjes. Veçanërisht e rëndësishme është për rritjen e qelizave në të gjithë trupin. Biotina ndihmon në ruajtjen e nivelit adekuat të sheqerit në gjak. Personat me diabet përfitojnë nga kjo vitaminë sepse e stimulon reagimin e trupit ndaj insulinës.
Reflekton dukshëm në lëkurë, pasi që e ushqen, ndërsa rregullon edhe yndyrën e flokëve, i bën ato më të shëndetshëm dhe me shkëlqim, ndërsa thonjtë i forcon dhe parandalon zverdhjen e tyre.
Vitamina H është e tretshme në ujë, që do të thotë se, nëse trupi nuk e përdor atë, ajo largohet me urinën. Ndryshe nga vitaminat tjera të cilat trupi i merr nga ushqimi, kjo vitaminë sintetizohet me ndihmën e baktereve të mira që gjenden në zorrën e trashë. Trupi ka nevojë për sasi të vogla të kësaj vitamine, megjithëse është e pranishme në shumë artikuj ushqimor, organizmi është i aftë që ta prodhoj atë vetë, ndërsa shumë rrallë haset mungesa e vitaminës H në trup.
Mungesa e vitaminës H mund të shfaqet tek personat të cilët kanë qenë në terapi afatgjate antibiotike ose kanë qenë me infuzione për një kohë të gjatë. Sinjalet e para që mund të tregojnë mungesën e vitaminës H në organizëm janë humbja e oreksit, thonjtë e thyeshëm, ndryshimet në nivelin e sheqerit në gjak, dhimbjet e muskujve, lodhja, përgjumja…
