Keni nevojë për sutjena më të vogla pasi keni humbur peshë? Ekspertët thonë se humbja e peshës definitivisht ndikon edhe në gjoks! Dr. Angela Fitch, nutricioniste në Qendrën e Humbjes së Peshës në Universitetin e Cincinnati-t, iu përgjigj disa pyetjeve më të zakonshme rreth humbjes së peshës dhe gjoksit. Ja çfarë thotë ajo:
A zvogëlohen gjinjtë me humbjen e peshës trupore?
“Nuk ka mënyrë më të mirë se si t’a them këtë, pasiqë përgjigja është – PO. Pjesa më e madhe e gjinjëve përbëhet nga yndyrnat. Pra, kur të filloni të humbni peshë kudo, edhe gjoksi do të fillojë të zvogëlohet”, shpjegoi Fitch.
Se sa u zvogëlohet gjoksi (ose se sa u dobësohet) varet nga ajo sesa yndyrë ruani aty dhe sa peshë humbisni në krejt trupin. Disa gra do të vërejnë se gjoksi i tyre është zvogëluar, ndërsa tek të tjerat ky zvogëlim do të jetë thuajse i padukshëm.
A fillojnë të zvogëlohen gjinjtë përpara pjesëve tjetra të trupit?
Nuk është e thënë… Ndoshta do të ndjeni sikur tërë peshën trupore që e keni humbur, t’a keni humbur nga gjoksi, por ndoshta nuk është kështu. Fitch thotë se ky keqkuptim është si pasojë e faktit se gjoksi gjendet në qendër të trupit.
“Për shkak të pozitës në të cilën ndodhen gjinjtë në trupin e femrave, ndryshimet e tyre janë më të dukshme, prandaj është e logjikshme që zvogëlimin e tyre t’a vëreni të parin, sigurisht, përpara zvogëlimit të kofshëve ose stomakut”, theksoi Fitch.
Njerëzit e ruajnë yndyrën në vende të ndryshme. Tek disa yndyra më së shpeshti ruhet në kofshë, ndërsa tek të tjerët në stomak. E njëjta vlen edhe për gjinjtë, disa gra kanë më shumë yndyrë se të tjerat, kështu që e vënë re më shpejt zvogëlimin e gjinjëve.
Humbja e shpejtë e peshës trupore a ndikon në varjen e gjinjëve?
Lajm i mirë: Shpejtësia me të cilën e humbni peshën nuk ndikon në elasticitetin (ose në çlodhjen) e lëkurës tuaj, përfshirë edhe gjoksin tuaj.
Lajmi i keq: Nëse humbisni sasi të konsiderueshme të peshës, lëkura juaj ndoshta do të çlodhet në vende të këqija, përfshirë edhe gjinjtë të cilat mund t’i bëjë edhe ata të relaksuara.
A ndikojnë yo-yo efektet e dietave tek gjinjtë?
“Humbja e vazhdueshme e peshës dhe kthimi pas i saj, mund të ndikojnë në strukturën e gjinjve, përveç se, nëse rregullisht nuk e humbni peshën menjëherë. Është e njëjtë si humbja e shpejtë e peshës, pesha shtesë do t’a zgjeroj lëkurën tuaj, kështu që kur të humbni peshën, lëkura do të filloj të relaksohet”, tha Fitch.
Mirëpo, me dietat me yo-yo efekte ju vetëm mund t’i mbushni qelizat yndyrore dhe më pas të hiqni vetëm disa prej yndyrnave. Nëse nuk mbushni sasi ekstreme, atëherë ajo nuk do të ndikojë në madhësinë e gjoksit pas çdo humbje peshe dhe shtim peshe.
Çka duhet të bëjmë që gjinjtë të qëndrojnë në formë?
Mbajeni vijën trupore nën kontroll. Përveç kësaj, trajnimi i muskujve të gjirit, do të forcojë muskujt e krahërorit, të cilat mund të ndihmojnë në mbajtjen e gjinjve në pozicionin e duhur.
“Gjatë procesit të dobësimit gjithmonë rekomandohen edhe ushtrimet për humbjen e peshës. Kardio trajnimi ndihmon në djegien e yndyrës, por ushtrimet me forcë ndihmojnë përshpejtimin e metabolizmit. Nëse humbni peshë, metabolizmi juaj zvogëlohet, por ndërtimi i muskujve do t’ju ndihmojë për t’a rregulluar atë”, shpjegon Fitch.
