Peripecitë e foshnjave mund të jenë stresuese për prindërit. Sidomos kur ata e kuptojnë se arritja e këtyre peripecive nga disa shihet si një sport konkurrues. Një nënë këtë javë shpalli arritjen e parë të fëmijës së saj… – e cila u arrit në moshën tre ditësh.
Po, e lexuat mirë. Tre ditë.
“Ajo ngre kokën, zvarritet dhe flet”, shpërndau videon një nën nënë krenare, e cila është parë 41 milionë herë.
Në një llogari të re me sa duket të TikTok, nëna Samanta Elizabet ndau një foto të porsalindurit të saj, Nila Dejs, e cila shkroi: “Ende nuk mund ta besoj se kjo ka ndodhur”. Teksti në ekran thotë: “POV: Vajza juaj është tre ditësh dhe mban kokën lart, zvarritet dhe flet”.
Pa dyshim, foshnja e vogël është në lëvizje – dhe nuk mund ti besosh syve.
“Çfarë lloj foshnje është ajo?”
Videoja ka 41 milionë shikime dhe 55 mijë komente. Shumë shikues u mahnitën nga ajo që panë dhe shkruanin komente për mbështetje.
Disa ishin të shqetësuar për foshnjën, duke shkruar: “Tregoni mjekëve, diçka mund të mos jetë në rregull” dhe “Çfarë foshnje është?”, ndërsa të tjerë thoshin “foshnjat pandemike bëhen ndryshe”.
Por, disa komente treguan atë arsyen thelbësore të videos: reflekset e të porsalindurve.
Infermieret dhe nënat shpjeguan se ata shpesh ishin dëshmitarë të reflekseve të tilla dhe foshnjat e tyre bënin të njëjtat gjëra, sepse lëvizjet ishin për të kërkuar ushqim dhe prehje.
“Unë jam një mami, dhe mund të konfirmoj se nuk ka asgjë të keqe, kjo është e natyrshme”, ka shkruar njëra prej tyre.
Një nënë shtoi: “Si askush nuk e di këtë? Foshnjat e mia e kanë bërë këtë”, ndërsa një tjetër shtoi: “Djali im e bëri këtë një ditë pasi lindi në vitin 1997. Mjeku thjesht tha: “Paç fat me këtë Herkulin e vogël!”
Dhe po, kishte shumë persona që u kyçën për të ndarë historitë e foshnjave të tyre “progresive” që arritën më herët këtë zhvillim.
Përktheu dhe përshtati:S.N
