Secili profesionist rekomandon shumë lëngje, vitamina dhe pushim kur kollitja sulmon, por nganjëherë më e vështirë është pikërisht pushimi, shkruajnë rezultatet e një studimi të publikuar javën e kaluar në revistën evropiane për psikologji.
Ky skenar me siguri është i njohur për ju – shtriheni në shtrat, mbuloheni, mbyllni sytë dhe kollitja bëhet e padurueshme.
Gravitacioni
Sipas profesionistëve, kjo është arsyeja kryesore për kollitje të fortë gjatë mbrëmjes.
“Kur shtriheni në shtrat, sekreti automatikisht zbret në fyt”, shpjegon Dr. Mitchell Blass nga spitali i Atlantës. Ai shpjegon se mënyra më e mirë do të ishte të flinit më lart, të vendosni edhe një tjetër jastëk nën kokë dhe kështu sekrecioni do të ndalojë së kaluari në fyt.
Ajri i thatë
Ajri i thatë mund të irritojë edhe më shumë hundën dhe fytin dhe kështu të përkeqësojë kollën. Më e mira që mund të bëni është të vendosni ndonjë gjë që do të njomë ajrin.
Vetëndihmë
Edhe pse kollitja është e rëndësishme për shërimin e trupit nga ftohja, pasiqë i pastron rrugët e frymëmarrjes, nganjëherë ajo qëndron gjatë pas ftohjes. Nëse ju duket se nuk mund të ndaloni kollitjen gjatë kohës kur duhet të fleni, provoni këto truke:
- Para se të shkoni në shtrat, konsumoni shumë lëngje
- Merrni një karamele ose tabletë që shkrihet në gojë ose shurup
- Nëse kollitja nuk ndalet pas shtatë ditëve, kërkoni konsultime profesionale
