Sipas rezultateve të studimit të ri, sëmundja kronike renale ka më shumë gjasa të përparojë në dështimin e veshkave dhe vdekshmërinë tek meshkujt në krahasim me femrat. Në fakt, u konstatua se femrat kishin një rrezik më të ulët prej 17% ndaj dështimit të veshkave, si dhe një rrezik prej 31% më të ulët të vdekshmërisë.
Në Shtetet e Bashkuara, mbi 26 milionë njerëz vuajnë nga sëmundja kronike renale, e cila shkakton humbjen graduale të funksionit të veshkave. Tek disa pacientë, sëmundja kronike renale mund të çojë në dështimin e veshkave dhe nevojën për dializë dhe transplantim të veshkave.
Konsiderohet se rezultatet e këtij studimi sugjerojnë se, faktorët biologjik dhe psikosocial mund të jenë shkaktarë për pabarazinë gjinore tek pacientët me sëmundje kronike renale. Profesionistët shpresojnë se rezultatet e këtij studimi do të rrisin ndërgjegjësimin e pacientëve, por edhe të mjekëve për rrezikun e madh të dështimit të veshkave dhe vdekshmërisë tek meshkujt që vuajnë nga sëmundja kronike renale.
