Nervi optik përmban 1.2 milion fibra, secila prej këtyre fibrave transmeton impulse të cilat i krijon retina deri në tru dhe na mundëson që të shohim qartë. Çrregullimet e syrit shfaqen në dy raste – gjatë lindjes (faktori trashëgues), ose nga faktorët e jashtëm (trauma të ndryshme ose sëmundje). Çrregullimet e nervit optik shkaktojnë humbje të shikimit dhe mund të sulmojnë njërin ose të dy sytë.
Atrofia e nervit optik mund të diagnostikohet me ekzaminimin e syve. Gjatë atrofisë atopike tek pacientët paraqitet:
- Reduktimi i mprehtësisë së shikimit
- Humbja ose zvogëlimi i ngjyrave (sidomos ngjyra e kuqe)
- Rritja e theksuar e bebëzës
- Zbehja e ngjyrave të syve
Ekzistojnë mjaftë çrregullime të nervit optik të cilat shkaktohen nga faktori trashëgues, por edhe ato që rezultojnë nga ndonjë trauma ose sëmundje.
- Atrofia kongenitale e syve zakonisht trashëgohet
- Neuropatia e trashëguar – e lindur e syve është e trashëgueshme dhe zakonisht shfaqet tek meshkujt e moshës 20 deri 30 vjeçare.
- Atrofia e fituar e syve. Shkaku i kësaj atrofie shoqërohet me problemet vaskulare.
- Irritimi i syve nuk trashëgohet, shkaku kryesor i kësaj sëmundjeje është multiple skleroza
- Glaukoma është një nga sëmundjet më të shpeshta të syve, i sulmon dhe i shkatërron ekskluzivisht fibrat nervore të syve dhe e ngushton sferën e të pamurit. Në shumicën e rasteve është sëmundje progresive e ngadalshme, edhe pse ekziston glaukomë e cila me shpejtësi përparon.
