Inflamacioni i mishit të dhëmbëve shfaqet pas veprimit të substancave të dëmshme të cilat prodhojnë baktere. Nëse higjiena e gojës nuk është efikase, bakteret qëndrojnë në dhëmbë dhe krijojnë një shtresë të bardhë – pllakë dentale. Ky lloj inflamacioni i shkaktuar nga pllaka dentale, quhet gingivitis dhe është forma më e zakonshme. Gingiviti është forma jo destruktive e sëmundjes periodontale. Karakteri është reverzibil, që do të thotë se dëmtimi i indeve të buta rreth dhëmbit mund të riparohet në tërësi.
SIMPTOMAT
Pacienti ankohet për dhimbje të mishrave të dhëmbëve. Përveç kësaj, vihet re edhe:
- Mishra të skuqëur dhe të ënjtur
- Mishi i dhëmbëve që dhamb gjatë prekjes
- Gjakderdhje gjatë larjes së dhëmbëve
- Erë e keqe e gojës
Pllaka dentare është biofilm që formohet në sipërfaqen e dhëmbëve. Krijohet nga bakteret të cilat ngjiten në smaltin e dhëmbëve. Nëse nuk hiqet rregullisht, atëherë shndërrohet në gur dental në zonën pranë mishit të dhëmbëve. Është e vështirë të largohet vetëm me pastrimin e dhëmbëve. Pllaka dentare dhe guri e irritojnë mishin e dhëmbëve.
Faktorë të tjerë që çojnë në shfaqjen e gingivitit janë:
- Mosbalancimi hormonal (puberteti, menopauza), mishi i dhëmbëve mund të bëhet i ndjeshëm
- Niveli i ulët i antioksidantëve në trup
- Tek disa sëmundje shpesh vjen deri te inflamacioni i mishit të dhëmbëve (diabeti, kanceri)
- Barna të caktuara (për epilepsi, angina pectoris) mund të çojnë në irritimin e mishit të dhëmbëve
- Pirja e duhanit
- Gjenetika
