Të qëndruarit ulur për një kohë të gjatë dhe në mënyrë të parregullt para kompjuterit, në shtëpi ose në punë, shpesh shkakton dhimbje të shpinës. Kjo dhimbje është një nga problemet më të zakonshme shëndetësore, dhe nuk ka njeri që nuk ankohet prej saj.
Faktorët e rrezikut që e përshpejtojnë zhvillimin e spondilozës janë: mënyra dinamike e jetesës, mungesa e aktivitetit fizik, qëndrimi jo i drejtë i trupit, profesionet që kërkojnë të qëndrosh ulur për një kohë të gjatë (punonjës zyre, shoferë, punonjësit e ndërtimit), çlodhja në pozicion të parregullt ose peshat e rënda. Thonë se dhimbja e kurrizit zakonisht shkaktohet nga barra që vjen me vitet. Spondiloza që përfshin pjesën qafës së shtyllës kurrizore më së shpeshti shfaqet pas moshës 30 vjeçare, ndërsa spondiloza lumbale pas moshës 40 vjeçare. Simptomat e zakonshme të kësaj sëmundjeje janë: dhimbja në qafë, shpinë ose në këmbë. Procesi degjenerues fillon në diskusin intervertebral, të cilat gradualisht e humbasin ujin, domethënë dehidrojnë. Tek të porsalindurit, përqindja e ujit në diskus është rreth 88%, ndërsa tek një person i moshës mesatare zvogëlohet në 70%. Me humbjen e ujit, diskusi e humbet elasticitetin.
Ndjesi shpimi gjilpërash
Te populli zakonisht shfaqen të ashtuquajturat “ndjesi shpimi gjilpërash”, të cilat shfaqen si pasojë e ndryshimeve në eshtra. Procesi i plakjes nuk i lë anësh as edhe vertebrat, ata e humbasin formën dhe funksionin e tyre. Kërcet bëhen gjithnjë e më të ngurta, ndërsa diskuset ngurtësohen dhe zvogëlohen. Ashtu siç kjo hapësirë zvogëlohet, ashtu edhe masa kockore e mbush rishtazi hapësirën e krijuar dhe e mbush atë me krijimin e të ashtquajturave ndjesi shpimi gjilpërash kockore, të cilat nuk kanë kërc mbrojtës. Ato shfaqen tek njerëzit e moshuar, por mund të shfaqen edhe tek njerëzit të cilët janë të ekspozuara vazhdimisht ndaj ngarkesës në shtyllën kurrizore.
Trajtimi i spondilozës është i ndryshëm për çdo pacient dhe varet nga ajo se sa sëmundja është zhvilluar. Dhimbja mund të trajtohet me barna, terapi fizike dhe rehabilitim ose kinesiterapi.
