Желудникот, заедно со хранопроводот и дебелото црево е дел од дигестивниот систем, а има неколку функции: со лачење на желудочна киселина и ензими го започнува процесот на варење на храната, го регулира чувството на ситост, штити од појава на инфекции ко можат да влезат во телото преку уста, а учествува и во апсорбција на течности, лекови и витаминот Б12.
Ракот на желудник некогаш бил болест на повозрасните, а денес од него се почесто заболуваат и помлади лица, на возраст од 40 до 55 години. Ако се открие во рана фаза, процентот на излекување њ 90 проценти. Ако со лекување се започне во напредната фаза, петгодишното преживување е помало од 3 проценти – веднаш зад ракот на панкреас.
Ракот на желудник најчесто се појавува со малигна транформација на клетките на слузницата на желудникот. Таквата форма на рак се нарекува аденокарцином. Тој претставува 90-95% од сите случаи на рак на желудник. Иако зачестеноста на ракот сместен со самиот желудник се намалива, драматично расте бројот на случаи на рак сместен на преминот од хранопроводот во желудникот. Особено загрижува пто овој тип на рак често се појавува кај болни помлади од 40 години.
Стручњаците не можат со сигурност да утврдат зошто клетките на ракот почнуваат да се развиваат внатре во желудникот, но знаат дека постојат состојби кои го зголемуваат ризикот од развој на оваа малигна болест. Една од тие состојби е инфекцијата со бактеријата Хеликобактер пилори, која предизвикува појава на чир. Долготрајно воспаление на желудочната слузница, долготрајна анемија или полипи внатре во желудникот, исто така го зголемуваат ризикот од појава на болеста.
Иако не можеме целосно да спречиме појава на малигни заболувања, доколку се вооружиме со потребното знаење за ризик факторите и предупредувачките знаци на болеста, големи се шансите да ја препознаеме и победиме навреме.
Ракот на желудник не е лесно да се препознае, бидејќи дури и кога симптомите конечно ќе се појават, тие обично се толку безначајни што пациентот ги занемарува подолго време.
Обрнете внимание на овие симптоми и не ги игнорирајте:
- Лоша дигестија и жиговина
- Чувство на нелагодност и болка во желудникот
- Мачнина и повраќање ( со или без крв)
- Пролив или запек
- Надуеност по оброк
- Губење на апетитот
- Слабост и замор
- Крварење (крв во содржината од желудникот или во столицата)
- Наобјасниво намалување на килограми
- Болка во стомачната шуплина
- Необјаснива нелагодност во сомачната шуплина, обично во делот над папокот
- Чувство на прејаденост и по скромен оброк
- Отекување или таложење на течности во делот на стомакот
- Анемија
Повеќето од овие симптоми може да бидат поврзани со некои други, побенигни состојби, како што е стомачен вирус или чир. Тие исто така може да се појават како симптоми на друга малигна болест. Без оглед на тоа, ако забележите некој од овие симптоми и тие не се повлекуваат или се влошуваат, задолжително посетете лекар. Бидејќи симптомите на рак на желудник се појавуваат само во доцна фаза, статистиката е немилосрдна – во просек, еден од пет случаи на оваа болест е откриен пред болеста да се прошири на други органи во телото.
