Hudhra është e pranishme rregullisht në tryezën tonë, mirëpo ne u referohemi hudhrave vetëm atëherë kur përballemi me grip ose me ftohje. Tek populli njihet si një antibiotik natyror, dhe se në të vërtet është mjaft i shëndetshëm e vërtetojnë edhe profesionistët. Në hudhër gjenden pothuajse njëqind komponime kimike aktive, në mesin e tyre edhe disa antioksidantë.
Ende nuk është e qartë se si të gjithë përbërësit e hudhrave veprojnë në organizëm, por hudhra me të vërtetë vepron si antibiotik, si mjet për lirimin e rrugëve të frymëmarrjes, anti-inflamator dhe jo kancerogjen, si dhe çrrënjos kërpudhat dhe disa viruse.
Hudhra i detyrohet alicin-it për vetitë shëruese të saj, me çka mbrohet nga invazioni i baktereve dhe kërpudhave. Që më së miri t’i përdorni vetitë shëruese të hudhërës, duhet që ta konsumoni shpesh dhe siç duhet.
- Para se ta konsumoni, detyrimisht shtypeni me qëllim që të nxisni reaksion enzimatik në të cilin formohet alicini.
- Çdo ditë duhet të kosumohen të paktën tre thelbinj hudhër.
- Më së miri është që të konsumohet e freskët.
- Nëse e gatuani atë me nxehtësi, bëjeni për shkurt kohë – jo më shumë se 10 minuta.
Shumë njerëz e shmangin hudhrën për shkak të erës së fortë që ka. E rëndësishme është që të dini se kjo është si rezultat i substancave që përmbajnë squfur dhe që i japin veti shëruese hudhrës. Problemin e erës së pakëndshme pas ngrënies së hudhrave, mund ta zgjidhni duke përtypur gjethe majdanozi, kokrra kafeje ose anisen.
