Djegiet – Nëse djegja është e vogël, domethënë nëse e digjni gishtin në sobë ose hekurin për hekurosje, atëherë mjafton që të mbani dorën nën ujë të ftohtë për rreth 10 minuta. Gjithashtu, një opsion i mirë është edhe që të vendosni margarinë në vendin e djegur. Në vend të ftohjes, alternativë më e mirë është margarina, e cila do të “ruajë” temperaturën, këshillon Dr. Jeffrey Pellegrino.
Dhimbje koke – Ilaçi më i mirë klasik për dhimbjet e kokës është akulli, theksojnë profesionistët. Barnat e reja kundër kokëdhimbjes mund të jenë më efektive, por shumë studime kanë treguar se akulli është efektiv edhe ndaj migrenës. Është mirë që akullin ta vendosni në pjesën e prapme të kokës, në qafë për disa minuta.
Dhimbje të fytit – Ilaçi më i mirë shtëpiak për dhimbjet e fytit gjendet në kuzhinën tuaj. Sigurisht, nëse keni ethe ose ndonjë simptomë tjetër, duhet të kontaktoni me mjekun, por nëse vetëm u djeg fyti atëherë mjafton të pini një përzierje prej ujit dhe kripës, thotë Dr. Neil Hagen.
Kapsllëku – Kjo gjë ndodh si pasojë e problemeve me tretjen. Një studim ka treguar se konsumi i 12 kumbullave të thata në ditë ka efekt shumë më të mirë në rregullimin e tretjes, sesa barnat moderne.
