Освен оние вообичаените симптоми, лекарите забележале дека дел од пациентите сега пријавуваат и нови симптоми вклучувајќи и пролив, намалено излачување на урина и болка во градите.
“Кај ковид пациентите расте бројот на акутен коронарен синдрон, миокарден инфаркт (срцев удар). Има пациенти кои пријавуваат неспецифични симптоми како болки во градите, намалено излачување на урина, пролив, а потоа се испоставува дека се ковид позитивни“, наведува Акшај Будраја, виш советник за респираторна медицина во Aakash Healthcare.
Освен овие споменати симптоми, лекарите ги забележале и следниве симптоми кај новите случаи на КОВИД-19:
- Вртоглавица
- Екстремна слабост
- Привремено губење на мирис и вкус
- Треска
- Кашлица
- Краток здив или отежнато дишење
- Замор
- Болки во мускулите или телото
- Главоболка
- Болка во грлото
- Течење или затнат нос
Подваријантата на омикрон, BA 2.75 има повисока стапка на пренос. Неодамна беше откриен во Делхи. Главниот научник на СЗО, Соумја Сваминатан, изјави дека BA.2.75 се чини дека мутирал на начин што може да укажува на “големо имунолошко бегство“, што би можело да значи дека со оваа подваријанти може да се заразат и лица кои веќе имаат антитела од претходни вакцинација.
Сепак, добра вест е што оваа варијанта не предизвикува тешки заболувања. Лекарите, исто така, забележале дека моменталниот период на опоравување за повеќето пациенти трае околу една недела.
