Дали ја мокрите четкичката за заби пред да ставите на неа паста и да почнете да ги миете забите? Ова е прашањето со кое една корисничка на Твитер неодамна направи вистински хаос на оваа мрежа. Судејќи според оние кои се вклучија во дискусијата постојат луѓе кои ги мијат забите со сува четкичка, а некои прво ставаат паста, па дури потоа ја мократ.
Прашањето е дали постои правилен начин, и ако постои кој е?
Одговорот на оваа дилема го дала д-р Митали Хариавала: „Прво би требало да ја измиете четкичката за да ја исчистите и „омекнете“, затоа што во спротивно ќе биде премногу цврста, па може лесно да ги оштети забите и непцата. Влагата уште помага и пастата подобро да се залепи за четкичката и да не отпадне за време на миењето“, открива д-р Митали.
И тука не завршуваат советите на докторката:
„Кога на мокра четкичка ќе нанесете паста со големина на зрно грашок, уште еднаш брзо навлажнете ја. Ова второ „миење“ ќе ја активира пастата за заби така што ќе ја зголеми нејзината растворливост и ќе направи убаво да се „прицврсти“ за четкичката и да не отпадне пред да ја принесете до устата. Директно мешање на водата и пастата не се препорачува затоа што може да го намали дејството“, додала докторката.
