Познато ни е на сите дека во многу случаеви појавата на рани симптоми на карцином изостанува, па примарно е да се знае да се препознаат симптомите, колку и да се суптилни. Стручњаците предупредуваат дека кај една болест се јавува изненадувачки симптоми кој би можел на лекарите да им помогне да во рана фаза откријат рак, а тој се јавува кога зборувате.
АКО СТЕ ЗАСИПАНТИ, ПОСЕТЕТЕ ЛЕКАР
Кога сте настинати, засипнатоста може да биде еден од симптомите, но стручњаците предупредуваат ако тој симптоми не поминува, важно е да отидете на лекар за да се открие вистинската причина – особено во некои ситуации која таа една промена може да значи и дека имате рак.
“Ракот на грло кој се формира на гласните жици често предизивикува засипнатост или промени во гласот. Ако симптомот сериозно го сфатите, ракот може да се открие во рана фаза. Ако засипнатоста не се повлекува по две недели, веднаш посетете стручно лице“, апелираат од Американското здружение за рак.
УШТЕ НЕКОИ ВИДОВИ РАК МОЖЕ ДА БИДАТ ПОВРЗАНИ СО ОВОЈ СИМПТОМ
Најпрво, промените на гласот ќе се воочат кога е во прашање рак кој се развива на гласните жици, но исто така и оној кој се развива на околните подрачја може да предизвика промени па и појава на истиот симптом.
“Таквите карциноми често не се откриваат додека не се прошират на лимфните жлезди и додека не се забележи појава на оток на вратот. Рак кој почетно се развива на подрачјето на гркланот или над гласните жици, како и под нив, не мора да предизивка промени во гласот, па често и се откриваат во подоцна фаза“, велат од Здружението.
ПОЈАВАТА НА РАК НА ВРАТОТ И ГЛАВАТА ЧЕСТО СЕ ПОВРЗУВА СО НЕЗДРАВИ ЖИВОТНИ НАВИКИ
Во повеќето случаи, ракот на главата и вратот ќе се категоризира како карцином на плочести клетки. Експертите од Клиниката Кливленд веруваат дека 3 од 4 карциноми на вратот и главата се предизвикани од прекумерно консумирање алкохол или цигари, а во двата случаи тие ги уништуваат клетките на слузницата на грлото и усната шуплина. Колку повеќе и подолго ги користите овие супстанции, толку е поголем ризикот да развиете рак на главата и грлото.
Ако го имате овој проблем, вашиот лекар може да предложи различни прегледи, како што е биопсија, за да се открие причината. Секако, колку побрзо посетите лекар, толку се поголеми шансите за рана дијагноза и успешно лекување бидејќи болеста откриена во рана фаза многу подобро реагира на лекувањето. Затоа, доколку забележите промени во форма на засипнатост што не поминува, не ги игнорирајте и закажете преглед кај лекар.
ШТО Е РАК НА ГРЛО?
Ракот на грлото е малигнен тумор кој се јавува кога во ткивото на грлото ќе се појават и почнат да се развиваат малигни туморски клетки, кои тоа исто ткиво почнуваат да го разоруваат.
Терминот грло е поширок термин за долниот дел од дишно-дигестивниот пат што го сочинуваат фаринксот (ждрелото) и гркланот. Во гркланот се наоѓаат гласните жици кои вибрираат под влијание на воздушните струи од белите дробови, што доведува до формирање на гласот. Така создадениот глас во фаринксот, устата и носот се обликува (артикулација и резонанца), што доведува до создавање на сопствен, конечен и препознатлив говор на човекот.
Од карцином на грло речиси двојно почесто заболуваат мажите. Нема точна бројка колку пациенти со рак на грло годишно се регистрираат во земјава, но бројката не е под 250-300 лица. Најчесто тоа се пациенти од средна и повозрасна доб (помеѓу 50 и 70 години. Последниве години забележан е раст на појавноста на крацином на грлото кај жените и кај помлади лица.
КОИ СЕ НАЈЧЕСТИ ЗНАЦИ ЗА ПОЈАВА НА РАК НА ГРЛОТО?
Најчестите симптоми (знаци) на болеста се:
- засипнатост и/или промени во јачината и бојата на гласот
- отежнато и/или болно голтање, чувство на туѓо тело во грлото
- оток (јазол) на вратот
- отежнато дишење
- непријатен лош здив
- губење на телесна тежината за краток временски период.
