Доц. д-р Маја Мојсова-Мијовска, национален координатор за трансплантација и претседател на Здружението на лекари по анестезија, реанимација и интензивно лекување, е номинирана за 2022 Европска жена на годината, избор во организација на Делегацијата на Европската Унија во Република Северна Македонија.
Доц. д-р Мојсова-Мијовска е единствената докторка меѓу финалистките, а е номинирана од страна на амбасадорката на Хрватска во земјава, Нивес Тигањ.
Гласањето за 2022 Европска жена на годината започна вчера и ќе трае до 7 март. За доц. д-р Маја Мојсова-Мијовска може да гласате под објавата на ФБ профилот на Делегацијата на Европската унија, преку ставање „лајк“ под сликата на доц. д-р Мојсова-Мијовска или на линкот ТУКА
„Маја е докторка по медицина со специјализација во областа на анестезиологијата и актуелна Национална координаторка за трансплантација. Маја беше главен анестезиолог во тимот кој ја спроведе првата операција за трансплантација на срце ❤️ во 🇲🇰 и во услови на COVID-19. Операцијата влезе во историјата на македонското здравство и ја подигна јавната свест за важноста од донирањето на орган. Маја е истовремено посветена мајка и сопруга“, се вели во описот на профилот на Делегацијата на Европската Унија во земјава.
„Мислам дека направивме голем исчекор во однос на свесноста за органодарителство. Тоа што го остваривме во суштина и беше најголемата кампања. За ова да биде можно година дена претходно е работена целата стратегија на ваков предизвик“, истакна доц. д-р Мојсова-Мијовска во едно свое поранешно интервју за Педијатар.мк. „Секаде во светот трансплантацијата е врв на еден здравствен систем и некако ние успеваме да се приближиме до европските стандарди. Морам да признаам дека едноставно ова беше мојата визија многу одамна пред некој воопшто и да знае за ова и генерално никој не веруваше дека ова е возможно во Македонија, но мојата верба и посветеност како и едукацијата на здравствениот персонал доведоа до ваков успех. Секако планираме уште повеќе да работиме и попосветено, но морам да признаам дека пандемијата не ни го олеснува тоа. Едноставно во екот на пандемијата одекна благородноста, човекољубието, добрината во срцата на фамилиите што донираа и таа стаса скоро до секој граѓанин. Од друга страна ние професионалците покажавме дека можеме со ваков предизвик да се носиме. Секој момент од секоја трансплантација ми е длабоко врежан во меморијата. И лицата на семејствата кои донираа но и лицата на тие кои ги добија органите. Едноставно целиот процес е составен од најспротивставени емоции, но исто така и од највисок степен на професионалност и посветеност на сите екипи“, изјави претходно доц. д-р Мојсова-Мијовска.
Доц. д-р Мојсова-Мијовска е докторка по медицина со специјализација во областа на анестезиологијата и актуелна Национална координаторка за трансплантација. Маја беше главен анестезиолог во тимот кој ја спроведе првата операција за трансплантација на срце ❤️ во 🇲🇰 и во услови на COVID-19. Операцијата влезе во историјата на македонското здравство и ја подигна јавната свест за важноста од донирањето на орган. Маја е истовремено посветена мајка и сопруга
Меѓу номинираните за 2022 Европска жена на годината од страна на амбасадорките на ЕУ земјите членки и амбасадорот на Европска Унија, покрај доц. д-р Маја Мојсова-Мијовска се најдоа и: Илина Арсова (претставена од амбасадорката на Германија, Анке Холстајн), Наталија Бургиева (претставена од амбасадорот на Европска Унија, Дејвид Гир), Дина Дума (претставена од амбасадорката на Шведска, Кристин Форсгрен Бенгтсон) и Дита Старова Ќерими (претставена од амбасадорката на Романија, Моника Аксинте).
Гласањето за 2022 Европска жена на годината започна вчера и ќе трае до 7 март. Поддршката за доц. д-р Маја Мојсова-Мијовска може да ја дадете со гласање под објавата на ФБ профилот на Делегацијата преку ставање „лајк“ под сликата на доц. д-р Мојсова-Мијовска или на директниот линк ТУКА.
Изборот ќе биде направен врз основа на најголем број освоени реакции (лајкови) под секоја од номинациите во рамките на објавата. Коментарите нема да бидат сметани за глас.
