Поради страв, или немарност, многу луѓе избегнуваат да одат на лекар и да направат проверка на здравјето. За среќа, некои тестови може да ги направите и сами дома. Секако дека ништо не може да го замени стручниот лекарски преглед, но овие тестови може да ви покажат дали е се во ред, или сепак треба да го посетите својот доктор.
Ендокринолошки систем
Еден од важните индикатори за здравјето е обемот на половината. Измерете го обемот, од прилика два сантиметри над папокот. Доколку се е во ред, жените не би требало да имаат обем поголем од 86 сантиметри, а мажите од 101 сантиметар. Луѓето кои имаат поголем обем на половината од овие параметри се изложени на пет пати поголем ризик од дијабетес тип 2.
Мозок
Ви треба хартија, молив или маркер и помош од пријател. Нацртајте часовник и прашајте го пријателот да ви каже колку е часот (час и минути). На пример, 10:10. Потоа нацртајте на часовникот стрелки кои го покажуваат посоченото време. Делува лесно, но овој тест покренува бројни процеси во мозокот – делови одговорни за движењето на рацете, за просторна и визуелна перцепција. Неможноста да нацртате часосвник кој го покажува кажаното време може да биде ран знак за деменција.
‘Рбет
Потребни ви се две ваги за мерење на телесната тежина. Со едната нога застанете на едната, а со другата на другата вага. Дистрибуцијата на тежина треба да биде приближно еднаква. Доколку бројките на вагата драстично се разликуваат, тоа може да значи дека коските на колковите, ‘рбетот или главата се вон центарот. Во тој случај, потребно е да посетите лекар и да направите тестови да утврдат за што станува збор.
Респираторен систем
За овој тест ви треба само штоперица. Станете и 30 секунди мерете го пулсот. Потоа седнете, вдишете три пати едно по друго, но без да издишете. Задржете го здивот колку што можете и мерете го времето. Кога ќе издишете, повторно уште 30 секунди мерете го пулсот.
Резултати: Ако не сте можеле да го задржите здивот подолго од 40 секунди, значи дека вашиот респираторен систем не работи како што треба. Просечните резултати треба да бидат меѓу 40 и 49 секунди. Ако може да го задржите здивот подолго од 50 секунди, органите за дишење одлично ви работат. Резултатите од мерењето на пулсот 30 секунди пред и после тестот, треба да бидат исти. Ако срцето ви работи побрзо по тестот, тоа може да значи дека на кардиоваскуларниот систем му е потребно повеќе кислород.
Коски
Погледнете ги ноктите, може да ви откријат доста за здравјето. Доколку ноктите се листаат и кршат, или на нив се појавуваат бели точки, тоа не е само козметички проблем. Ваквите нокти може да покажат недостаток на витамин Б, железо, или да покажат дека постои ризик од остеопороза.
Вид
Гледајте во рамката од прозорецот 30 секунди, па затворете ги очите. Отворете го левото око,па затворете го, а потоа истото ова направете го и со десното око. Ако по ова јасно ја гледате рамката на прозорецот, видот ви е одличен. Доколку линиите станале замаглени или искривени, тоа може да биде знак за макуларна дегенерација или неповратно губење на видот.
Постои тест кој може да направите и на улица, или паркинг. Оддалечете се од автомобилот околу 20 метри и прочитајте ги бројките на регистрацијата. Ако не можете, треба да направите очен преглед.
Слух
Обидете се да слушнете што говорат луѓето кои од вас се оддалечени 5-6 метри. Доколку не може ништо да разберете, одете на лекар. Имајте на ум дека ваквиот тест не може да го спроведувате на места каде што има голема гужва, на пример, во кафулиња, бидејќи музиката ќе го маскира она што луѓето го зборуваат.
Црн дроб
Застанете пред огледало на кое може да се гледате целосно. Дали имате масни наслаги над половината? Висцералната маст која го окружува црниот дроб, не му дозволува нормално да работи. Исто така, жолтите дамки на белките во очите, ситни мозолчиња кои всушност се грутчиња маст на очните капаци, покажуваат дека црниот дроб не работи добро.
Уште еднаш, имајте на ум дека овие тестови не може да дијагностицираат болест, туку ова се само методи кои може да ви помогнат подобро да водите сметка за здравјето и, евентуално да ви обрнат внимание дека е време на одите на преглед.
