Во единствена студија, генетичари од Универзитетот во Алабама успеале да го свртат процесот на стареење кај глувци, така што окриле кои промени во клетките предизвикуваат појава на брчки, опаѓање на влакна и раст на бели влакна. На глувците прво со терапија вештачки им била стимулирана старост, а прекинувањето на таа терапија довело до отстранување на бојата и повторен раст на влакна во боја. Во првиот дел на експерментот, користеле антибиотик кој предизвикува стареење, така што митохондриите во клетките ги прави дисфункционални.
Генетичарите намерно го предизвикале стареењето кај глувците така што им додавале антибиотик – доксициклин во храната и во водата. Доксициклинот влијае на ензимот потребен за реплицирање на митохондриската ДНК, кој ги исцрпува залихите и предизвикува нивна дисфункција.
Како старееме, митохондриите кои се извор на енергијата на клетките почнуваат да ја губат својата функција. Со оглед на тоа дека митохондриите создаваат околу 90 % од енергијата која им е потребна на живите клетки, опаѓањето на нивната функционалност поттикнува развој на болести карактеристични за лица по повозрасната доба, на пример, кардиоваскуларни болести или карцином. По четиринеделна примена на доксициклин, глувците почнале да проседуваат и да губат влакна, станале успорени и летаргични. По четири до осум недели им се збрчкала кожата. Примената на доксициклинот кај глувците предизвикала раст на бројот на клетките на кожата, ненормално стврднување на надворешниот слој. Дисфункционални фоликули на влакната и развој на воспаленија кои допринеле на промена на кожата.
Штом престанале на глувците да им даваат доксициклин, животните се подмладиле, бидејќи е овозможено обновување на митохондриската ДНК.
„Колку ние што знаеме, ова сознание никогаш претходно не било забележано“, изјавил Кешав Син, професор по генетика на Медицинскиот факултет во Дубаи.
Иако прекинувањето на доксициклинот кај глувците влијаело на процесот на стареење на кожата, на другите органи не се забележани поголеми промени, што би можело да значи дека митохондриите имаат поинаква улога во различни делови на телото. Ова истражување на глувците би можело да стане темел за работа на превентивни и терапевтски лекови кои ќе ја зајакнат митохондриската функција за третман против стареење на кожата, но и за лекување на други болести.
