Само 20 минутна физичка активност делува поттикнувачки на работната меморија исто како и една шолја кафе, покажува студија објавена во публикацијата Nature Scientific Reports. Кофеинот, според Светската здравствена организација, е најкористената психоактивна состојка на светот, која има позитивни ефекти на здравјето, но можни се и нуспојави ако со неа се претерува (се смета дека четири до пет шолји кафе на ден е сигурен внес) – несоница, главоболка, забрзана работа на срцето, дигестивни тегоби, тремор на мускулите, анксиозност.
БЕЗ НУСПОЈАВИ
И одвикнувањето може да предизвика тегоби: мачнина, замор, пад на енергијата, нервоза, лошо расположение, матно чувство во главата. Затоа на Универзитетот Вестерн во Онтарио одлучиле да истражат дали вежбањето може да делува на расположението и на умот, односно на работната меморија како и кафето, но без нуспојави. Работаната меморија е клучна за нашата способност да функционираме како љубопитно – помага во процесот на учење и овозможува краткорочно помнење, односно складирање на информациите.
Тие спровеле истражување во кое дел од учениците вежбале по 20 минути на подвижна трака, а дел пиел шолја кафе, по што направиле тест на краткорочно помнење во кој требало да забележат колку пати се повторуваат ставките на листата.
Резултатите од испитувањата биле изедначени, па заклучокот е дека еднакви краткорочни ефекти за умот, како од кафето може да добиеме и од кратката физичка активност, без страв од нуспојави или тегоби со одвикнувањето.
