Ова го докажало истражувањето во кое биле вклучени 300 личности со упорна кашлица. Истражувачите два пати дневно, во траење од две недели, им давале теобромин, супстанца од какаото. Дури 60 отсто од пациентите после експериментот пријавиле значителен степен на подобрување и смирување на кашлицата.
Не е прв пат да се добијат вакви резултати зашто и претходни истражувања укажале на тоа дека теоброминот го парализира рефлексот на кашлање. Оваа состојка освен во какао правот ја има и во црното и млечното чоколадо, па кашлицата може да се намали и со еден до два реда чоколадо дневно.
Како да го приготвите лековитото какао:
Потребни состојки:
- 1 голема лажица како во прав;
- 1 голема лажица кафеав шеќер (или мед);
- 1/3 шолја млеко;
- вода.
Начин на приготвување: Водата нека проврие. Сипете дел во шолјата, а во ѓезвето сипете ја лажицата какао. Веднаш ќе почне да пени, па прелијте ја со преостанатата вода – како кога спремате турско кафе. Штом повторно запени, тргнете од огнот. Додадете кафеав шеќер или мед и измешајте. Додадете и малку млеко и уживајте. Ем вкусно ем лековито!
