Боранија има околу 150 видови, сладка е, има високи нутритивни својства и ниско ниво на калории.
Ова растение од семејството на мешунките е едно од најкорисните за нашето здравје: има многу малку калории и масти и не содржи холестерол. Важно е да се напомене дека има високо ниво на протеини и влакна заедно со витамините А, Ц, К, Б6 и Б9 (фолати). Содржи калциум, силициум, железо, манган, бакар и калиум.
По потекло од Мексико, во Европа дошол во 16 век и без оглед на големиот број познати видови, неговите високи хранливи својства и ниското ниво на калории се непроменети. Неговите форми, бои и имиња исто така се разликуваат: боранијата е зелена, жолта, светло жолта, шарена, а има дури и виолетова; може да биде тенка и зашилена, широка или тркалезна, обично ја нарекуваат боранија, но и со други имиња. Одлична е во сите диететски режими.
Низок гликемичен индекс, корисна е за бремени жени и бебиња
Каша од боранија за 8+ месеци
Потребни намирници: Боранија (количина по ваша желба) 1 компир 1 морков
Добро измијте ја боранијата, а потоа ставете ја да се вари. Откако добро ќе ја сварите, ставете ја во блендер и миксирајте. Вака приготвената каша е доволна за вкусен и здрав оброк на вашето бебе. Доколку вашето бебе не ужива само во вкусот на боранијата, додајте претходно сварен компир и морков, кои исто така се миксираат во блендер. Вашите деца со сигурност ќе уживаат во овие здрави и вкусни оброци богати со витамини и хранливи материи!
Гликемиски состав
Според студиите на Централниот индиски институт за истражување на прехранбената технологија, боранијата е меѓу намирниците со докажан ефект врз хипогликемијата кај луѓето со дијабетес. Нејзиниот гликемиски индекс е 15, а според скалата на нискогликемиски намирници, спаѓаат оние со индекс помал од 55.
Заедно со тиквата е класифицирана како храна која влијае на подобра плодност, но е корисна и за време на бременоста – содржи голема количина на фолна киселина која, како што е докажано, го штити бебето во телото (утробата) на мајката. Фолната киселина е важна за нормален развој на фетусот и спречува појава на дефект на неутрална цевка (спина бифида). Се препорачува да се воведува како пире или каша на бебиња на возраст од 6-8 месеци, бидејќи е многу ниска на скалата на храна која може да предизвика алергии.
Боранијата го намалува ризикот од кардиоваскуларни заболувања, рак на дебелото црево, влијае на елиминацијата на слободните радикали и го зајакнува имунитетот, помага при анемија бидејќи има двојно повеќе железо од спанаќот, ги зајакнува коските.
Боранијата (Phaseolus vulgaris) е зеленчук кој потекнува од Мексико, а денес се користи речиси насекаде во светот. Постојат голем број сорти кои се разликуваат:
-по боја: жолта, зелена, виолетово-жолта, шарена;
-по должина: кратка, средна и долга;
-по облик: остра, тркалезна, широка и сплескана.
Се користат свежите, млади мешунки во кои зрната сеуште не се развиле целосно а предност имаат сочните и меснатите сорти кои немаат конци.
Боранијата се користи на различни начини, но секогаш готвена или бланширана затоа што не може да се јаде сирова поради протеинот фазин кој е отровен. Со готвење овој протеин целосно се разорува, но не и со сушење. Боранијата се додава на разни салати, чорби и динстани јадења.
Благодарејќи на специфичниот состав, боранијата е одлична намирница за регулирање на нивото на шеќер во крвта. Содржи неесенцијална аминокиселина, аргинин кој делува слично на инсулинот, и на тој начин се снижува нивото на шеќер во крвта и урината.
Аргининот не се уништува со готвење, па така боранијата им се препорачува на дијабетичари, најдобро во вид на вариво.
Содржи калиум кој ја издвојува боранијата од останатите видови мешунки. Калиумот делува како диуретик, поволно влијае врз работата на срцето, го регулира крвниот притисок и помага во исфрлање на штетните материи и вишокот течности од организмот.
Влијае врз намалување на мокрачната киселина, уреата во мокрачата, па така се препорачува и на оние кои имаат проблем со гихт.
Останатите минерали кои ги содржи боранијата покрај калиумот се: калциум, фосфор, магнезиум и во значителна количина железо, па така е делотворна и за анемија, болести на забите, крварење од носот.
Витамините кои ја прават боранијата исклучително здрава намирница се: провитамин А, Б1, Б2, ПП, Ц и Е. Посебно треба да се консумира при намален имунитет, настинки, грип, разни инфекции, екцеми и остеопороза.
Во исхраната има многу голема биолошка вредност, а релативно мала енергетска вредност, па така, според составот повеќе е слична на другиот зеленчук отколку на мешунките.
