Кинеската исхрана доведува до губење на тежината заради фактот дека го ограничува внесот на дневни калории на 800 до 1 000. Освен тоа менито содржи доста течности: минерална вода, зелен чај и свежи овошни сокови. Овие напитоци ќе го исчистат телото од наталожените штетни материи и ќе го заштитат со неопходните витамини и антиоксиданти. Друга карактеристика на кинеската исхрана е дека се состои од познати производи: во неа нема егзотични јадења. Во рок од една недела вашата исхрана ќе опфати свеж зеленчук, овошје, ориз, ’ржан леб и риба. Ваквиот режим на исхрана е погоден само за потполно здрави луѓе, па затоа пред да ја смените комплетно исхраната консултирајте се со вашиот лекар.
За време на диетата од исхраната морате да ги елиминирате слатките и производите од брашно, животински масти, алкохол и кафе. Исто така, неопходно е да се намали внесот на сол и зачини.
Предлог мени:
Ден 1:
Појадок: 150 г свежа зелка, 200 мл минерална вода;
Ручек: 4 лажици варен ориз, 150 г салата од рендан морков и маслиново масло, 200 мл минерална вода;
Вечера: 150 г варена риба, мало парче ’ржан леб, неколку листа зелена салата, 200 мл зелен чај;
Ден 2:
Појадок: 150 г салата од морков со маслиново масло, 1 тост ’ржан леб, 200 мл минерална вода;
Ручек: 200 г салата од морков, зелка, зелена салата, целер, парче ’ржан леб, 200 мл свежо цеден сок од јаболка без шеќер;
Вечера: 100 г варен ориз, листови зелена салата, пола грејпфрут, 200 мл минерална вода;
Ден 3:
Појадок: 200 г салата од јаболка, круши, портокали, банани, 200 мл свежо цеден сок од портокали без шеќер;
Ручек: 250 г варен аспарагус, 150 г зелка салата со сок од лимон, парче ’ржан леб, 200 мл минерална вода;
Вечера: 250 г динстани печурки (без масло), 1 мал варен компир, 200 мл минерална вода;
Ден 4:
Појадок: јаболка, портокали, тост од ’ржан леб, 200 мл свежо цеден сок од портокал без шеќер;
Ручек: 300 г варен аспарагус со ориз и босилок, 1 јаболко, парче ’ржан леб, 200 мл минерална вода;
Вечера: 200 г варена риба, 2 мали варени компири, парче ’ржан леб, 200 мл зелен чај;
Ден 5:
Појадок: 150 г оризова каша варена во вода, 200 мл минерална вода;
Ручек: 200 г салата од бела зелка, парче ’ржан леб, 200 мл минерална вода;
Вечера: 100 г варен ориз, листови зелена салата, пола грејпфрут, 200 мл минерална вода.
