![2](https://panacea.mk/wp-content/uploads/2020/11/2-11-696x392.jpg)
Новиот коронавирус SARS-CoV-2 може да ги користи внатрешните клеточни механизми на холестеролот за да ја засили инфекцијата, сугерира студија објавена во Nature Metabolism.
Ова истражување на клеточните култури ја идентификува потенцијалната молекуларна врска помеѓу метаболизмот на холестеролот и КОВИД-19 и укажува на патот по кој би можело да се тргне во потрага за потенцијални, ефикасни лекови против КОВИД-19.
За време на инфекцијата SARS-CoV-2, “шилестиот“ протеин на вирусот се врзува на рецепторот на клетките на домаќинот, на АСЕ2 ензимот за претворање на ангиотензин 2.
Во ова истражување, главниот научник Хуи Зонг и колегите, ја истакнуваат улогата на вториот рецептор, таканаречен ХДЛ рецептор, кој се појавува во неколку ткива, вклучувајќи ги и клетките на белите дробови кај човекот. Овој рецептор вообичаено се врзува ХДЛ липопротеинот со висока густина, познат и како “добар холестерол“. Меѓутоа, во оваа студија вирусниот шилест протеин се врзал за холестеролот и влегол во клетките.
Се чини дека вирусот ја презема контролата над механизмот за да си го олесни влегувањето во клетките домаќини. Авторите заклучуваат дека студијата ја потенцира потенцијалната молекуларна врска помеѓу КОВИД-19 и холестеролот и сугерираат дека лековите кои целат кон SR-B1 може да помогнат во ограничувањето на SARS-CoV-2 коронавирусната инфекција.