Прекумерното изложување на сонце може да биде штетно за здравјето на кожата, но дали сте знаеле дека ако не претерувате, од сонцето може да имате многу повеќе корист? Докажано е дека уживањето во сонцето го подобрува психичкото здравје, спречува разни заболувања и го чува здравјето на кожата.
Сонцето и психичкото здравје
Ако го избегнувате сонцето, мора да знаете дека тоа ќе влијае на пад на нивото на серотонин, што може да доведе до депресија. Дејството на серотонинот го поттикнува изложувањето на сончевите зраци, кои продираат низ окото, па затоа е јасно зошто во зима сме лошо расположени.
Ги јакне коските
Изложување на сонце влијае на производството на витамин Д, а според една студија од 2018 година, само 30 минути во костим за капење во голема мера ќе го зголеми нивото на овој витамин, кој игра голема улога за нашето здравје. Недостатокот на витамин Д е поврзан со развојот на остеопороза.
Превенција од рак
Иако претераното сончање може да предизвика рак на кожата, умереното изложување на сончевите зраци има позитивен ефект врз превенцијата од рак.
Според истражувањата, оние што живеат на места каде што нема многу сонце имаат поголеми шанси да заболат од одреден вид рак, како рак на цревата, јајниците, простатата или панкреасот.
Помош при третман на кожни болести
Според податоците на Светската здравствена организација, изложувањето на сонце може да помогне во лекувањето на овие кожни заболувања (секако, консултирајте и дерматолог):
- псоријаза;
- егзема;
- акни;
- жолтица.
