Дали некогаш сте помислиле која е идеалната брзина на слабеење? Ако и воопшто може да се нарече идеална, тогаш таа брзина на слабеење се движи меѓу 250-1000 грама неделно. Ако имате повеќе масни наслаги, побрзо ќе ги загубите, додека ако имате помалку масни наслаги, слабеењето ќе оди побавно. Ако се обидувате да слабеете побрзо од ова темпо, тогаш може да се најдете во екстремен калориски дефицит, па заради тоа ќе се чувствувате изгладнето, несреќно, уморно…
Математиката е едноставна
Губењето килограми е едноставна математичка формула – треба да потрошите повеќе калории отколку што ќе внесете. Нутриционистите препорачуваат да се создаде дефицит од 500 калории на ден, притоа комбинирајќи намален внес на калории и зголемена физичка активност. Долната граница на дневен внес на калории е 1 200 калории и еден час вежбање. Со ваков план може да очекувате губење на околу 1, 2 кг во првата недела, односно до 2,3 килограми неделно за оние кои тежат над сто килограми. Кој се држи до овој план ќе намали 0,8 кг неделно благодарение на намалениот внес на калории и уште околу 0,4 кг благодарение на вежбањето.
