Двете дози вакцина против коронавирусот за многумина значат враќање во секојдневниот живот со помалку огграничувања и грижи. Но, што се со маските, физичкото растојание и тестовите? Може ли да заразите други иако сте ревакцинирани?
Можат ли вакцинираите лица да бидат носители на вирусот?
Веројатноста комплетно вакцинирано лице, односно лице кое примило две дози вакцина, да биде позитивно на ПЦР тестот е мала, но не е исклучена, велат од Институтот Роберт Кох, германска установа за контрола и превенција на болести.
Сепак, податоците покажуваат дека количината на вирусот кај вакцинираните лица е значајно помала и дека времето на излачување на вирусот е скратено, постои одреден ризик да можат да го шират вирусот.
“Како бројот на вакцинирани расте, така ќе има и повеќе вакцинирани на кои вирусот им ја пробил одбраната“, додава Карстен Вацл, главен секретар на Германското здружение за имунологија.
“Тоа е малку, но зависи од ефектот на вакцините на поединецот и количината на вирусот околу него“, вели тој и додава дека тоа може да биде особено опасно за повозрасните и оние кои се веќе болни.
ШТО ТРЕБА ДА НАПРАВИМЕ?
Многумина не се целосно вакцинирани и можат тешко да заболат, ако се инфицираат со коронавирусот. Тоа е уште една причина поради која вакцинираните и натаму треба да одржуваат дистанца и да носат маска во друштво на невакцинирани.
На места со многу луѓе, како јавен превоз, сите мораат да останат претпазливи. Заради тоа, здравствените власти и натаму препорачуваат почитување на основните мерки како носење маска, миење раце, проветрување и физичко растојание. Сето ова значајно го намалува пренесувањето на вирусот.
“Со делта варијантата доаѓа и до поголема количина вирус во огранизмот, па ризикот за пренос на вирусот е поголем“, објаснува Вацл.
Треба ли вакцинираните да продолжат да се тестираат?
Ако вакцинираните и невакцинираните се наоѓаат заедно, на пример на забава, Вацл советува сите да се тестираат однапред. На такви собири, ризикот од инфекција се зголемува дури и кај вакцинираните.
„Бидејќи не е секогаш познато дали некој веќе има коморбидитет, најдобро е секој да се тестира“, нагласува тој.
