Бебешката пудра, едноставен и евтин производ, е секогаш добро да се има во домаќинството, па дури и ако немате деца.
Овој смирувачки и нежен производ ќе ве спаси во многу прилики, но, исто така, ќе ја подобри вашата рутина на шминкање и нега.
Еве неколку начини на кои можете да ја користите бебешката пудра:
- Поголем волумен на трепките
Пред да ја нанесете маскарата нанесете малку бебешка пудра со прстот на трепките. Потоа ставете ја маскарата и уживајте во заводливиот волумен на вашите трепки.
- Наместо шампон за суво миење на косата
Бебешката пудра совршено апсорбира масти, па можете да ја користите наместо сув шампон. Нанесете ја на четката, па со неа измасирајте го скалпот и поминете низ косата.
- Отстранување на непријатен мирис за кратко време
Ставете малку бебешка пудра во чевлите или патиките и ослободете се експресно од непријатниот мирис.
- Чистење на накит
Ако сакате да го исчистите накитот, најпрво посипете го со бебешка пудра, а потоа истријте го со старата четка за заби. На крајот, избришете со крпа.
- Навлечете ги полесно ракавиците
Ако имате потреба да користите хируршки ракавици, многу полесно ќе ги навлечете рацете доколку сипете малку пудра во нив.
