Доколку сте забележале дека косата ви е крута или ви паѓа од коренот, би требало да проверите кои од витамините ви недостасува. Затоа што факт е дека квалитетот на косата зависи од она што го внесувате во организмот, се разбира, покрај генетиката, која е главен предуслов за нејзиниот квалитет.
Витамин Б12
Има важна улога во здравјето на косата, го потпомага растењето и ги зајакнува влакната. Го има во лососот, сардините и млечните производи.
Железо
Многумина се во дефицит кога е во прашање железото, па дури и ако хемоглобинот е во границите на нормалата. Го има во зелениот, листест зеленчук, црниот дроб и говедското. Доколку секое утро пиете сок од овој зеленчук вашата коса ќе биде здрава и убава.
Фолна киселина
Еден од симптомите на недостаток е и опаѓањето на косата. Зголемениот внес на фолна киселина доведува и до побујна коса. Најдобар извор на фолна киселина се агрумите, авокадото и јагодите.
Цинк
Како минерал мошне е важен за кожата и косата. Помага лимфниот систем да се ослободи од токсините. Го има во сончогледот, тиквата, ракчињата, остригите и благиот компир.
Вода
Кога сте дехидрирани тоа веднаш се забележува на вашата кожа и коса. Водата е неопходна и би требало да се внесува во организмот во поголеми количества, особено налето.
