Вртоглавицата често брзо се јавува еднакво брзо престанува, се чини без било каква причина. Податоците откриваат дека околу 18 милиони луѓе во Америка бараат медицинска помош секоја година поради вртоглавица. Понекогаш таа може да биде симптом на сериозни состојби, а доколку не помине во рок од 15 минути, важно е да се побара итна медицинска помош.
Ако се појави заедно со други симптоми, може да биде причина за загриженост, открива д-р Стивен Доетл, професор по клиничка аудиоологија во здравствениот научен центар на Универзитетот Тенеси, и открива за какви опасни состојби може да станува збор.
- ИНФЕКЦИИ
Од добро познатите бактериски инфекции на увото до оние предизвикани од вирус, тие можат да предизвикаат проблеми во увото. Кога тоа ќе се случи, можете да го изгубите чувството за рамнотежа.
Симптоми кои можат да откријат инфекција на увото ако се појават со вртоглавица се:
- губење на слух
- болка во увото
- тинитус
- течност во увото
- температура
Честопати, воспалението на увото предизвикува ненадејна вртоглавица и болка во увото, наведува професорот Комал Ашраф од Универзитетот Мисури. Важно е да побарате лекарска помош бидејќи ако инфекцијата на увото не се лекува, може да се прошири на остатокот од телото и да предизвика губење на слухот.
- ПРОБЛЕМИ СО СРЦЕТО
Иако не ги поврзуваме срцевите заболувања со вртоглавица, одредени состојби може да го ограничат протокот на крв во мозокот што ќе предизвика вртоглавица. Така, аритмиите, кои се јавуваат кога срцето чука пребрзо или премногу бавно, може да предизвикаат вртоглавица бидејќи мозокот не прима доволно крв.
Други симптоми на аритмии вклучуваат:
- неправилни отчукувања на срцето
- болка во градите
- потење
- чувството дека срцето „прескокнува“
Што да се направи? Ако мислите дека се работи за аритмија, треба веднаш да одите на лекар бидејќи може да биде фатална доколку не се лекува.
- МОЗОЧЕН УДАР
До мозочен удар доаѓа кога нешто го спречува протокот на крв во мозокот, како што е таложење на наслаги. Ова може да предизвика различни симптоми, вклучително и вртоглавица. Еве на што друго треба да обрнете внимание:
- вкочанетост на рацете, нозете или лицето
- збунетост
- потешкотии во говорот
- потешкотии при одење
- ненадејна и силна главоболка
Кај сите овие симптоми, важно е нивното ненадејно појавување. Дефинитивно е неопходно веднаш да се побара итна помош за лекарите да можат да ја дијагностицираат состојбата. Откако ќе се постави дијагнозата, лекарот ќе одлучи како да се лекува.
ОВА СЕ ПОМАЛКУ СЕРИОЗНИ ПРИЧИНИ ЗА ВРТОГЛАВИЦА
Иако може да биде последица на здравствени проблеми, понекогаш причина може да бидат секојдневни промени во телото и тоа е вообичаена причина. Д-р Доетл наведува дека околу оба нема потреба да се загрижувате.
Низок крвен притисок: Кога има нагло опаѓање на крвниот притисок, мозокот не добива доволно крв, како резултат на тоа може да почувствувате вртоглавица.
Дехидрација: Кога не пиете доволно вода, волуменот на крвта и крвниот притисок се намалуваат, бидејќи мозокот не примил доволно хранливи материи. Ако седнете и испиете малку вода, ќе се чувствувате подобро.
Шеќер во крвта: Кога се работи за ниски вредности, мозокот не прима доволно гликоза за да функционира правилно. Ова може да доведе до вртоглавица.
Затоа е важно да се следат и другите симптоми покрај вртоглавицата и навреме да се контактира со лекар за да се спречи развој на посериозни проблеми.
